हॉटेल मध्ये येवून शिवीगाळ व दमदाटी व मारहाण केल्याप्रकरणी गुन्हा दाखल

शिरुर दिनांक ( वार्ताहर )
हॉटेल मध्ये येवून शिवीगाळ व दमदाटी व मारहाण केल्याप्रकरणी गुन्हा दाखल करण्यात आला आहे.
पोलीसांनी दिलेल्या माहितीनुसार याप्रकरणी प्रशांत गोवर्धन साबळे वय ३२ वर्षे धंदा -हॉटेल व्यवसाय, राहणार- श्रीनिवास नगर रामलिंग रोड, ता. शिरूर जि. पुणे यांनी मिथुन सिंग ,जितू सिंग ,रेखा सिंग ,योगेश अडसूळ रा.रामलिंग , सावतामाळी नगर, ता. शिरूर जि. पुणे ,सनी अमल नेरी
,संदीप खोले ,साईनाथ कुलकर्णी ,शाहरुख खान सर्व रा. शिरूर ता. शिरूर जि. पुणे व इतर १० ते १५ लोक ज्यांचे  नाव पत्ता माहीत नाही यांच्या विरोधात फिर्याद दिली आहे .
२५ एप्रिल रोजी प्रशांत साबळे यांच्या पी.आर हॉटेल मध्ये मिथुन सिंग, जितू सिंग, रेखा सिंग, योगेश अडसूळ , सनि अमल नेरी, संदीप खोले, साईनाथ कुलकर्णी, शाहरुख खान व त्यांच्यासोबत इतर दहा ते पंधरा लोक यांनी गर्दी जमाव जमवून हॉटेलमध्ये आले . तिथे प्रशांत साबळे यांना तुमचा भाऊ ऋषिकेश हा कुठे गेला आहे त्याला लय माज आला आहे आम्ही आज त्याचा जिवंत सोडणार नाही अशी धमकी देऊन मोठ्य मोठ्याने आरडा ओरडा केला . प्रशांत साबळे व त्याच्या भाऊ ऋषिकेश हॉटेलच्या बाहेर पळुन गेले असताना हॉटेलमधील कामगार निरज बिस्ट हा किचनमध्ये काम करीत असताना त्याला मिथुन सिंग यांनी त्याच्या हातातील तलवारीचे उलटे बाजूने त्याच्या डाव्या खांद्यावर मारहाण केली. संदीप खोले याने त्याच्या हातातील लाकडी काठीने त्याच्या पाठीवर हातावर मारहाण केली व इतर सर्वांनी प्रशांत साबळे व ऋषिकेश साबळे , कामगार निरज याना शिवीगाळ दमदाटी करून हॉटेलमध्ये साहित्याची तोडफोड करून नुकसान केले . याबाबत पोलीस निरीक्षक संदेश केंजळे यांच्या मार्गदर्शनाखाली पोलीस हवालदार उबाळे करीत आहे .