अखिल एकता उद्योग व्यापार मंडलच्या वर्धापनदिनानिमित्त शिरूरमध्ये शनिवारी १ ऑगस्ट रोजी व्यापारी मेळावा

शिरूर { डेली न्यूज पोस्ट टीम -24}: अखिल एकता उद्योग व्यापार मंडलच्या वर्धापनदिनानिमित्त शनिवार, दि. 1 ऑगस्ट 2026 रोजी सायंकाळी 8 वाजता शिरूर येथील ओम लाईट हाऊस, सरदार पेठ येथे व्यापारी मेळाव्याचे आयोजन करण्यात आले आहे. अशी माहिती संघटनेचे पदाधिकारी प्रवीण भंडारी यांनी दिली.
या मेळाव्यात शिरूर पोलीस ठाण्याचे पोलीस निरीक्षक विनोद पाटील आणि पारनेरचे नायब तहसीलदार आकाश किसवे हे व्यापाऱ्यांना मार्गदर्शन करणार आहेत.
व्यापारी वर्गासमोरील विविध समस्या, व्यापाऱ्यांशी संबंधित कायदे, व्यवसायातील अडचणी तसेच विविध शासकीय बाबींवर या मेळाव्यात सविस्तर चर्चा होणार आहे. व्यापाऱ्यांच्या शंकांचे निरसन करून त्यांना आवश्यक मार्गदर्शनही केले जाणार आहे.
शिरूर परिसरातील सर्व व्यापाऱ्यांनी या मेळाव्यास मोठ्या संख्येने उपस्थित राहून कार्यक्रमाचा लाभ घ्यावा, असे आवाहन प्रवीण भंडारी यांनी केले आहे.