पत्रकारांना धमकावल्याप्रकरणी खासदार संजय दिना पाटील यांच्यावर कारवाईची मागणी; शिरूरमधील पत्रकार संघटनांचे निवेदन

शिरूर { डेली न्यूज पोस्ट टीम 24,}: पत्रकारांशी अर्वाच्य भाषेत शिवीगाळ करून धमकी दिल्याचा प्रकरणी खासदार संजय दिना पाटील यांच्याविरोधात कठोर कायदेशीर कारवाई करण्याची मागणी शिरूर तालुक्यातील विविध पत्रकार संघटनांनी केली आहे.

 यासंदर्भातील निवेदन शुक्रवारी शिरूर पोलीस ठाण्यात पोलीस निरीक्षक विनोद पाटील यांना देण्यात आले.

 २५ जून रोजी पत्रकारांनी प्रश्न विचारल्यानंतर खासदार संजय दिना पाटील यांनी पत्रकारांशी अर्वाच्य भाषेत शिवीगाळ करत धमकी दिली. ही घटना पत्रकारितेच्या स्वातंत्र्यावर आघात करणारी असून लोकशाही व्यवस्थेसाठी गंभीर बाब असल्याचे निवेदनात नमूद करण्यात आले आहे. संबंधित खासदारांविरोधात गुन्हा दाखल करून कठोर कारवाई करावी, अशी मागणी पत्रकार संघटनांनी केली.

यावेळी ज्येष्ठ पत्रकार नितीन बारवकर, प्रवीण गायकवाड, अभिजीत आंबेकर, मुकुंद ढोबळे, प्रा. सतीश धुमाळ, धर्मा मैड, तेजस फडके, सागर रोकडे,सुदर्शन दरेकर, अमृता झांबरे,निलेश काळे, शैलेश जाधव, निलेश वाळुंज, प्रितेश फुलडाळे, पल्लवी खिलारे, अविनाश घोगरे आदी उपस्थित होते.

दरम्यान पत्रकार संघटनांनी या प्रकरणाची निष्पक्ष चौकशी करून तातडीने कायदेशीर कारवाई करण्याची मागणी केली आहे.√