शिरूरमध्ये ‘हर हर महादेव’चा गजर; श्री शिव महापुराण कथेला उत्स्फूर्त प्रतिसाद 

शिरूर { डेली न्यूज पोस्ट टीम 24}महाराष्ट्रातील पुणे जिल्ह्यातील शिरूर येथील प्रभू श्रीराम यांनी स्थापित केलेल्या शिवलिंगच्या दर्शन घेण्यासाठी भाविकांनीआवश्य यावे असे आवाहन आंतरराष्ट्रीय ख्यातीचे कथावाचक पं. आचार्य प्रदीपजी मिश्रा(सीहोरवाले)यांनी केले.शिरूर परिसरात भक्तीचा महासागर उसळला असून आंतरराष्ट्रीय ख्यातीचे कथावाचक पं. आचार्य प्रदीपजी मिश्रा (सीहोरवाले) यांच्या अमृतवाणीमधून रं श्री शिव महापुराण कथेस सुरुवात झाली. दि. २४ फेब्रुवारी ते २ मार्च २०२६ या कालावधीत दररोज दुपारी १ ते ४ या वेळेत हा अध्यात्मिक सोहळा पार पडत आहे.

आज सकाळ पासूनच रामलिंग रोड वर असणा- यां कार्यक्रम स्थळी जाणारे रस्ते भाविकांच्या गर्दीने फुलून गेले होते. भाविक हर हर महादेवच्या जयघोष करत होते.भाविकाच्या वाहनासाठी ठिकठिकाणी पार्किंगची व्यवस्था करण्यात आली आहे.

यावेळी कथा मंडपात कार्यक्रमाचे आयोजक प्रसिद्ध उद्योगपती प्रकाश धारिवाल, उद्योगपती आदित्य धारिवाल, साक्षी धारिवाल, दिनाभाभी धारिवाल, यांच्या सह माजी आमदार पोपटराव गावडे, माजी आमदार अशोक पवार, आदी यावेळी उपस्थित होते.

मिश्रा यावेळी म्हणाले की शिरूर येथील रामलिंग मंदिर येथील शिवलिंग हे प्रभू श्रीराम यांनी स्वतः स्थापित केलेले आहे. दररोज नियमित शिवपूजा व पिंडीवर एक तांब्याभर पाणी घालावे असे ते म्हणाले. प्रभू श्रीराम वनवासात असताना ज्या मार्गवरून आले त्या मार्गांवर सर्वात जास्त शंकराची मंदिरे असल्याचे ते म्हणाले.उद्योगपती रसिकलाल धारिवाल हे रामलिंग महाराज यांचे परमभक्त होते.शिवभक्तांचे शिवशंकरा वर मोठा विश्वास व भरोसा असतो.

या धार्मिक सोहळ्याचे आयोजन पी. आर. धारीवाल फाउंडेशनच्या वतीने करण्यात आले आहे.श्री शिव महापुराण कथा हा केवळ धार्मिक कार्यक्रम नसून समाजाला सदाचार, संयम आणि भक्तीचा मार्ग दाखवणारा उपक्रम आहे. या कथेमुळे भाविकांना अध्यात्मिक प्रेरणा आणि सकारात्मक ऊर्जा मिळणार आहे.

सुमारे ३० एकरांहून अधिक जागेवर उभारण्यात आलेला भव्य आणि सुसज्ज मंडप सध्या भाविकांच्या

आकर्षणाचे केंद्र ठरत आहे. मुख्य मंडपाबरोबरच प्रसादासाठी स्वतंत्र सुसज्ज प्रसादलय मंडपही उभारण्यात आले आहे. संपूर्ण परिसरात शिवनामाचा गजर, भव्य सजावट आणि शिस्तबद्ध नियोजनामुळे एक आगळावेगळा आध्यात्मिक सोहळा अनुभवण्याची संधी शिरूरकरांना मिळाली आहे.

शिरूर शहरात प्रथमच इतक्या मोठ्या प्रमाणावर धार्मिक कार्यक्रम होत असून अवघा परिसर ‘हर हर महादेव’च्या जयघोषाने दुमदुमन गेला आहे.