डॉ. कलाम यांचे महासत्तेचे स्वप्न पूर्ण करणे सर्वांची जबाबदारी : प्रा. डॉ. ईश्वर पवार

शिरूर { डेली न्यूज पोस्ट टीम 24}माजी राष्ट्रपती डॉ. ए. पी. जे. अब्दुल कलाम यांनी भारताला महासत्ता बनविण्याचे स्वप्न पाहिले होते. हे स्वप्न साकारण्यासाठी विद्यार्थ्यांनी कलाम यांची पुस्तके वाचून त्यांच्या विचारांचा अंगीकार करावा. देशासाठी काहीतरी योगदान देण्याची प्रेरणा त्यांच्या जीवनातून घ्यावी, असे आवाहन प्रा. डॉ. ईश्वर पवार यांनी केले.
शिरूर येथे माजी राष्ट्रपती डॉ. ए. पी. जे. अब्दुल कलाम यांच्या जयंतीनिमित्त आयोजित जाहीर व्याख्यानात ते बोलत होते. ‘डॉ. ए. पी. जे. अब्दुल कलाम यांचे विचारकाल, आज आणि उद्या’ या विषयावर त्यांनी विचार मांडले.
डॉ. कलाम यांनी धर्मनिरपेक्ष जीवन जगत विद्यार्थ्यांना नेहमी मोठी स्वप्ने पाहण्याचा संदेश दिला. ही स्वप्ने पूर्ण करण्यासाठी प्रयत्न करणे आणि देशासाठी काहीतरी करणे आवश्यक आहे. कलाम यांच्या स्वप्नांची पूर्तता करणे ही सर्वांची जबाबदारी असून, त्यांचे विचार नव्या पिढीसाठी प्रेरणा आणि आशेचा स्रोत आहेत. मनुष्याच्या मुक्तीचा मार्ग केवळ ज्ञानातून जातो, असेही प्रा. डॉ. पवार यांनी सांगितले.

या कार्यक्रमात अॅड. शिरीन नजीर शेख, अॅड. जाफर अफरीन सय्यद, अॅड. आकिब बशीर शेख, हाफिज हाजी अकबरभाई बागवान, खिदमत फाउंडेशन शिरूर, हजरत शहेनशाह शमशुद्दीन बाबा उरूस कमिटी, शिरूर आणि महावीर की रोटी, शिरूर यांचा सन्मान करण्यात आला.
या प्रसंगी डॉ. परवेझ बागवान, जिल्हा जनता दलाचे अध्यक्ष संजय बारवकर, मोहम्मद हुसेन पटेल, माजी नगरसेवक मुन्ना शेख, योगेश जामदार, गणेश कोळपकर, हाजी मुश्ताकभाई शेख, हाजी काबिलभाई शेख, हाजी आरिफ सय्यद, फारुख सांगलीकर, अजिमभाई सय्यद,आदी उपस्थित होते.
कार्यक्रमाचे आयोजन माजी राष्ट्रपती डॉ. ए. पी. जे. अब्दुल कलाम जयंती उत्सव समिती, शिरूर यांच्या वतीने करण्यात आले.कार्यक्रमाचे प्रास्ताविक हाजी फिरोज बागवान यांनी केले.