शिरूर दिनांक ( वार्ताहर ) शिरुर शहर व पंचक्रोशीचे आराध्य दैवत असणा-या प्रभू श्री . रामलिंग महाराज यात्रेनिमित्त मंगळवार दिनांक २५ फेबृवारी रामलिंग पालखी महाराज पालखी सोहळ्यानिमित्त शहरातून जाणा -या जुन्या पुणे अहिल्यानगर महामार्गावरील वाहतुकी मध्ये अशंत :बदल करण्यात आला आहे .
याबाबतची माहिती देताना पोलीस निरीक्षक संदेश केंजळे यांनी सांगितले की दिनांक २५/०२/२०२५ व दिनांक २६/०२/२०२५ रोजी  प्रभु रामलिंग देवस्थानची महाशिवरात्री निमित्त मोठी यात्रा होत आहे. मंगळवार  २५ फेबृवारी २०२५ रोजी शिवसेवा मंदिर येथुन रामलिंग पालखी मिरवणुक सुरू होणार असुन त्याकरीता मिरवणुक मार्गावरील वाहतुकी मध्ये अंशत बदल करण्यात आलेला असुन त्यामध्ये आहिल्यानगर येथुन येणारी वाहतुक बी. जे. कॉर्नर  ,निर्माण पलाझा, सरकारी हॉस्पिटल मार्गे एस. टी .स्टॅड अशी जाईल. तसेच पुणे मार्गावरून येणारी वाहतुक ही एस टी स्टँड, मार्केट यार्ड, सरकारी हॉस्पिटल, निर्मान प्लाझा अशी वळवण्यात आलेली आहे.
दिनांक २६/०२/२०२५ रोजी रामलिंग ता. शिरूर जि. पुणे येथे वाहतुकीमध्ये मलठन मार्ग शिरूर ला येणारी वाहतुक ही सरदवाडी मार्गे शिरूर ला येईल व शिरूर वरून जाणारी वाहतुक ही सरदवाडी मार्ग मलठन अशी वळवण्यात आलेली आहे.
शिरूर शहरामधील सर्व व्यापारी वर्ग यांना आवाहन करण्यात आले आहे की पालखी मिरवणुक मार्गावरील आपले दुकाना समोर लागणारी वाहने लावु देवु नये तसेच लावलेली वाहने ही आपण काढुन घ्यावेत. जेणेकरून पालखी मिरवणुकीला कोणत्याही प्रकारे अडथळा निर्मान होणार नाही. याकरीता सर्वांनी सहकार्य करावे.
रामलिंग यात्रेनिमित्त वाहतुक कोंडी टाळण्याकरीता तीन ठिकाणी  पार्किंगची सोय करण्यात आलेली आहे त्यामध्ये
शिरूर शहरामधुन जाणारे भाविक हे दसगुडे पार्किंग १ येथे वाहने पार्क करून एस टी बसने रामलिंग मंदिर दर्शनासाठी जातील.
टू व्हीलर, फोर व्हिलर वाहन व एस टी बस करीता बैलगाडा घाट येथे पार्कीग २ करण्यात आलेले आहे.
सरदवाडी व मलठन येथुन येणारे भाविकांकरीता रामलिंग मंदिरासमोरील ग्रांउड मध्ये पार्किंग सुविधा करण्यात आलेली आहे.
रामलिंग यात्रेनिमित्त शिरूर पोलीस स्टेशन कडुन १० पोलीस अधिकारी व १०० पोलीस अंमलदार, २ पोलीस स्ट्रींग, ५० स्वंयसेवक, १० होमगार्ड असा बंदोबस्त नेमण्यात आला असल्याचे ही केंजळे यांनी सांगितले .