पर्यावरण दिनानिमित्त सह्याद्री देवराईत तहसिलदार बाळासाहेब म्हस्के यांच्या हस्ते वृक्षारोपन

शिरुर ( डेली न्यूज पोस्ट टीम -24)
जागतिक पर्यावरण दिनानिमित्त शिरुर शहरातून जाणा-या पुणे अहिल्यानगर रस्त्या शेजारील डोंगरावर सह्याद्री देवराई शिरुर येथे तहसिलदार बाळासाहेब म्हस्के  यांच्या हस्ते  वृक्षारोपन करण्यात आले .
यावेळी प्रजापिता ईश्वरीय विश्व विद्यालयाचा शंकुतला बहेनजी , सामाजिक कार्यकर्ते रवींद्र सानप , प्रा. चंद्रकांत धापटे , सह्याद्री देवराई शिरुरचे महिबूब सय्यद , ॲड . आदित्य मैड , राहुल निकुंभ , बाजार समितीचे माजी सचिव दिलिप मैड , गोपीनाथ पठारे , रवि लेंडे , माजी प्राचार्य दिलिप देशमुख , अविनाश घोगरे बाळासाहेब आवारी , माजी शिक्षक अशोक शेळके, कैलास घाडगे , फकृउद्दीन शेख , आदी उपस्थित होते .
पर्यावरणाचा बिघाड मानवानेच केला असून पर्यावरणाचा समतोल राखण्यासाठी मानवालाच पुढाकार घ्यावा लागेल असे शंकुतला बहेनजी म्हणाल्या .
तहसिलदार बाळासाहेब म्हस्के म्हणाले की पर्यावरण जपणे काळाची गरज आहे . पृथ्वी सुरक्षित ठेवण्यासाठी निसर्ग संवर्धन करावे लागेल हवा पाणी व जमिन या सर्वांवर काम करुन पर्यवारण सवंर्धन करण्याची प्रतिज्ञा करावी असे ते म्हणाले .
येथील सह्याद्री देवराई शिरुर यांच्या वतीने हॉटेल अंबिका शेजारील डोंगरावर वड , चिंच , जांभूळ , पिंपळ , लिंब अशी झाडे लोकसहभागातून लावण्यात आली असून या झाडांचे संवर्धन व निगा राखली जाते .
पर्यावरणाचा होत असलेल्या -हास ,बदलते हवामान या परिस्थितीत प्रत्येकांने आपआपल्या परिसरात वृक्ष लावणे व त्यांचे संवर्धन केले पाहीजे .
पर्यावरक जीवनशैलीचा अवलंब करुन पुढच्या पिढीसाठी निसर्ग जपून ठेवला पाहीजे . अश्या भावना यावेळी व्यक्त करण्यात आल्या .
येथील डेक्कन स्कूल मध्येही जागतिक पर्यावरण दिनाचे औचित्य साधून नारळ, केळी, सुपारी, रक्तचंदन, बेल, चाफा , लिंब आदीची झाडे लावण्यात आली . गटशिक्षणाधिकारी बाळकृष्ण कळमकर , डेक्कन स्कूलचे प्राचार्य डॉ. समीर ओंकार, शिक्षण विस्तार अधिकारी किसन खोडदे, शिक्षक प्रतिनिधी लवू धारजे आदीच्या हस्ते वृक्षारोपन करण्यात आले .
. महाराष्ट्र शासनाच्या ‘ एक पेड माँ के नाम ‘ या उपक्रमाची सुरूवात देखील यावेळी करण्यात आली. या उपक्रमांतर्गत प्रत्येक शाळेतील ७० मुलांना एक झाड देण्यात येईल. विद्यार्थ्यांनी व पालकांनी या झाडाचे संगोपन करायचे आहे. या वेळी अमोल वाघमारे, सखाराम पुरी, चंद्रकांत झांजे, रत्नमाला महाजन, प्रिया नरवडे, सोनाली लोखंडे, संतोष गावडे, धनंजय जमदाडे, हृतिक लुनिया आदी उपस्थित होते.