शिरुर दिनांक ( डेली पोस्ट न्यूज पोस्ट -24 टीम )
शिरूरमध्ये कृषी केंद्रात घुसुन कोयत्याने मारहाण करणा-या तीन आरोपींच्या पोलीसांनी मुसक्या आवळल्या आहेत .

याबाबत पोलीसांनी दिलेल्या माहितीनुसार दिनांक ५ एप्रिल २०२५ शिरूर येथील विशाल कृषी सेवा केंद्र या दुकानांमध्ये फिर्यादी संतोष पाचर्णे तसेच मालक शिवम शिंदे काम करीत असताना परवेज उर्फ पाप्या पठाण , रुपेश चित्ते व ओंकार दत्तात्रय जाधव सर्व राहणार तर्डोबाची वाडी ता. शिरूर ,जि . पुणे यांनी संगनमत करून ओंकार जाधव हा पाचर्णे यांना म्हणाला की “तुला लय मस्ती आली आहे काय आमची तक्रार तहसील ऑफिसला करतो काय तुला आता दाखवतोच थांब” असे म्हणून त्या तिघांनी पाचर्णे यांना शिवीगाळ दमदाटी करून पाप्या पठाण याने हाताने तसेच दुकानांमधील कात्रीने उजव्या हातावर व पायावर मारहाण करून जखमी केले. तसेच रुपेश चित्ते याने त्याचे हातातील कोयता दुकानासमोर फिरवून आजूबाजूचे परिसरातील दुकानांमध्ये दहशत निर्माण केल्याने त्यांनी त्यांची दुकाने बंद केली तसेच दुकानासमोर रोडवर असणारे इतर व्यक्ती देखील पळून गेले. त्यानंतर उपस्थित त्याने दुकानांमध्ये येऊन पाचर्णे यांचे डोक्यात पाठीमागील बाजूस वार करून जखमी केले. पाचर्णे तसेच शिवम शिंदे यांनी आरडाओरडा केल्याने तिघेजण दुकानाचे बाहेर पळून जाताना देखील रुपेश चित्ते हा त्याचे हातातील कोयता फिरवत दुकानाचे बाहेर निघून गेला.
याबाबत संतोष बाळू पाचर्णे वय ४२ वर्षे व्यवसाय मजुरी राहणार जांभळी मळा तर्डोबाची वाडी तालुका – शिरूर जिल्हा- पुणे यांनी फिर्याद दिली होती याबाबतचा तपास राजेंद्र साबळे, सहायक पोलीस उपनिरीक्षक हे करीत होते .
पोलीस निरीक्षक संदेश केंजळे यांनी सदर गुन्हयाची गंभीरता लक्षात घेवुन गुन्हयातील आरोपीना ताब्यात घेणेबाबत आदेशित करून पोलीस पथक तयार केले. पोलीस पथकाने सदर गुन्हयातील आरोपी १) परवेज उर्फ पाप्या अस्लम पठाण वय १९ वर्ष, २) रूपेश राजु चित्ते वय २२ वर्ष, ३) ओंकार दत्तात्रय जाधव वय २६ वर्ष सर्व रा तर्डोबाचीवाडी, शिरूर ता. शिरूर जि. पुणे यांना गुन्हयाचे कामी अटक केली आहे. आरोपीकडुन गुन्हयात वापरलेला कोयता जप्त करण्यात आला आहे.
पोलीस निरीक्षक संदेश केंजळे यांनी सांगितले की शिरूर शहरामध्ये व बाजारपेठेत घातक शस्त्रे, कोयता घेवुन दहशत करण्याचा कोणी प्रयत्न करत असेल तर त्याचेवर देखील प्रचलित कायदयान्वये कड़क कारवाई करण्यात येईल.
ही कारवाई पोलीस अधिक्षक स पंकज देशमुख, अप्पर पोलीस अधिक्षक रमेश चोपडे , उपविभागीय पोलीस अधिकारी प्रशांत ढोले , पोलीस निरीक्षक संदेश केंजळे यांचे मार्गदर्शनाखाली शिरूर पोलीस ठाणे गुन्हे शोध पथकाचे पोलीस उपनिरीक्षक शुभम चव्हाण, सहाय्यक पोलीस उपनिरीक्षक राजेंद्र साबळे, पोलीस हवालदार नाथसाहेब जगताप, पोलीस अंमलदार सचिन भोई, नितेश थोरात, विजय शिंदे, निरज पिसाळ, निखील रावडे, रविंद्र आव्हाड, अजय पाटील यांचे पोलीस पथकाने केली.