कॉम्प्युटर क्लासला जातो असे सांगून १८ वर्षीय युवक बेपत्ता

शिरूर {डेली न्यूज पोस्ट टीम 24}कॉम्प्युटर क्लासला जातो असे सांगून घराबाहेर पडलेला १८ वर्षीय युवक बेपत्ता झाल्याची घटना शिरूर शहरात घडली आहे. विराज संदीप चौधरी (वय १८ वर्षे २ महिने, रा. प्रितमप्रकाश नगर, ता. शिरूर, जि. पुणे) असे बेपत्ता युवकाचे नाव आहे.

याप्रकरणी शिरूर पोलीस ठाण्यात मिसिंग रजिस्टर क्र. २१/२०२६ नुसार नोंद करण्यात आली आहे. याबाबत विराजचे वडील संदीप दत्तू चौधरी (वय ४३, व्यवसाय – नोकरी, रा. प्रितमप्रकाश नगर, शिरूर) यांनी तक्रार दिली आहे.
पोलिसांनी दिलेल्या माहितीनुसार, विराज चौधरी हा ९ फेब्रुवारी २०२६ रोजी सकाळी सुमारे ११.३० वाजता राहत्या घरातून कॉम्प्युटर क्लासला जातो असे सांगून बाहेर पडला. मात्र, तो त्यानंतर घरी परतलेला नाही. नातेवाईक व मित्रपरिवारात शोध घेतला असता त्याचा काहीही पत्ता लागला नाही.
बेपत्ता होताना त्याच्या अंगात काळ्या रंगाचा शर्ट, राखाडी रंगाची पॅन्ट व पायात सॅंडल होती. तो अंगाने सडपातळ आहे.
या घटनेची नोंद १० फेब्रुवारी २०२६ रोजी रात्री ९.०६ वाजता (इंट्री क्र. ५३) करण्यात आली आहे. दाखल अंमलदार म्हणून पोलीस हवालदार कोथळकर (ब. क्र. २५६०) यांनी काम पाहिले असून पुढील तपास पोलीस हवालदार मुंढे (ब. क्र. १७८८) करत आहेत. पोलीस निरीक्षक केंजळे यांच्या मार्गदर्शनाखाली शोधमोहीम सुरू करण्यात आली आहे.
सदर युवकाबाबत कोणाला काही माहिती असल्यास शिरूर पोलीस ठाण्याशी संपर्क साधावा, असे आवाहन पोलिसांकडून करण्यात आले आहे.