शिरुर दिनांक ( वार्ताहर )
ब्राम्हण सभा शिरुर यांच्या वतीने भगवान परशुराम जन्मोत्सव उत्सहात साजरा करण्यात आला .
स्टेट बॅक कॉलनी शिरुर येथील घाटपांडे यांच्या श्री . गजानन महाराज मंदिरात कार्यक्रमाचे आयोजन करण्यात आले होते .
यावेळी परिसरातून भगवान परशुराम मूर्तीची पालखी मिरवणूक काढण्यात आली. याप्रसंगी सामूदायिक रामरक्षा पठण करण्यात आले . भगवान परशूराम मूर्तीची पूजा व अभिषेक करण्यात आला. त्यानंतर भगवान परशूराम जन्मोत्सवाचा कार्यक्रम पार पडला . भगवान परशूराम यांच्या वरील प्रवचन विद्याधाम प्रशालेचे माजी शिक्षक डी . एस कुलकर्णी यांचे झाले .
भगवान परशुराम यांच्या जीवन कार्याचा आढावा त्यांनी घेतला . भगवान परशुराम यांनी वेद विद्या व शस्त्रविद्या यांचा समन्वय साधून समर्थ जीवन जगावे अशी शिकवणूक दिल्याचे कुलकर्णी यांनी सांगितले .
बालाजी विश्व विद्यालयाचे मुख्याध्यापक विनायक म्हसवडे म्हणाले भगवान परशुराम यांच्या जीवनाचा अभ्यास करुन भगवान परशुराम यांच्या विचारांचा अभ्यास करावा . समाजाला दिशा देण्यासाठी ब्राम्हण सभेने पुढाकार घ्यावा असे आवाहन त्यांनी केले .भविष्यातील आव्हाने लक्षात घेवून पुढील पिढी आधिक सक्षम ज्ञानी , समर्थ करणे आवश्यक आहे असे ही ते म्हणाले . विनायक मुळे काका यांनी ही भगवान परशूराम यांच्या जीवनाची माहिती दिली .
यावेळी शिरुर शहर विकास आघाडीचे अध्यक्ष ॲड . सुभाष पवार , लोकजागृती संघटनेचे ॲड . ओमप्रकाश सतीजा , प्राचार्य डॉ .समीर ओंकार , विद्याधाम प्रशालेचे माजी मुख्याध्यापक व्ही .डी .कुलकर्णी , प्रा. चैत्यन वाघ , प्रमोद काशीकर , माजी शिक्षक विजयकुमार गोरे , प्रसाद मुळे ,राष्ट्रीय स्वंयसेवक संघाचे धोंगडे मामा , प्रफुल्लकुमार कुलकर्णी , विद्याधाम प्रशालेचे सेवानिवृत्त शिक्षक संजय देशपांडे , डॉ. विश्वास मुळे, प्रदीप कुलकर्णी ॲड . सीमा प्रमोद काशीकर , अनघा पाठकजी , विद्याधर कुलकर्णी , तात्यासाहेब अवचट , केतन गोसावी आदी उपस्थित होते .
कार्यक्रमाचे प्रास्ताविक विलास गोसावी यांनी केले .सुत्रसंचालन आदिती जोशी यांनी केले .आभार चैतन्य वाघ यांनी मानले महाप्रसादाचे आयोजन करण्यात आले होते.
पुढील वर्षी भव्य प्रमाणात भग्स्वान परशुराम जन्मोत्सव करण्याचा व ब्राम्हण सभा शिरुरचा वतीने विविध उपक्रम राबविण्याचा संकल्प करण्यात आला .
