शिरूर { डेली न्यूज पोस्ट टीम -24}
विजयादशमी अर्थात दसरा निमित्त राष्ट्रीय स्वयंसेवक संघाच्या वतीने शिरूर शहरातून संचलन करण्यात आले.
संचलनाचे व शिवप्रतिष्ठान हिंदुस्तान शिरूर यांनी आयोजित केलेल्या दुर्गादौडचे ठिक ठिकाणी फुलांच्या वर्षाव करून व रांगोळ्यांच्या पायघड्या घालून स्वागत करण्यात आले.
रयत शाळेच्या मैदानावर ध्वजारोहन झाल्यावर संघाच्या संचलनास सुरवात झाली. शहरातील मुलकी वसाहत, राम आळी, मारूती आळी, सरदार पेठ, हलवाई चौक, यशवंतराव चव्हाण चौक, आडत बाजार, बसस्थानक परिसर या भागातून हे संचलन गेले.

हलवाई चौकात संचलनाचे स्वागत करण्यात आले.नवरात्री निमित्त शिरूर शहरात मागील दहा दिवस दुर्गादौडचे आयोजन करण्यात आले त्यास युवक युवतीच्या उस्फुर्त प्रतिसाद मिळाला.आजही दसरानिमित्त शिरूर शहरातून दुर्गा दौड आयोजित करण्यात आली. दौडीत विद्यार्थी विदयार्थिनी युवक युवती फेटे बांधून सहभागी झाले होते. छत्रपती शिवाजी महाराज व देवीच्या नावाचा जयघोष यावेळी करण्यात आले. ठिकठिकाणी फटाके वाजवून व रांगोळी पायघड्या घालून व फुलाच्या वर्षावात दौडचे स्वागत करण्यात आले.

श्रीमंत हलवाई चौक गणेश मित्र मंडळाच्या वतीने हलवाई चौकात स्वागत करण्यात आले.
भाजपाचे तालुकाध्यक्ष राहुल बाबुराव पाचर्णे, अशोक काळे, रणजित गायकवाड, अविनाश जाधव, शरद परदेशी शाम परदेशी सोन्या परदेशी आदी यावेळी उपस्थित होते.
दुर्गा दौड शिरूर कृषी उत्पन्न बाजार समितीच्या आवारातील छत्रपती शिवाजी महाराजांच्या पुतळ्यापाशी  गेली.त्या ठिकाणी मराठा महासंघाचे नामदेवराव घावटे यांच्या हस्ते पुतळ्यास पुष्पहार अर्पण करण्यात आला.
दुर्गा दौड नवरात्र च्या पहिल्या माळेपासून शिरूर येथील राम मंदिरात सकाळी सात वाजता शिवरायाना मानवंदना करून, शिरूर मधील अनेक नवरात्र मंडळात जाऊन आरती करत, भारतीय संस्कृतीची जाणीव करून देणे व *l श्रीशिवछत्रपती धर्मवीर छत्रपती श्री संभाजी महाराज यांच्या राष्ट्रीय कार्याची जाणीव करुण देणारा मार्ग सांगणे व भारतीय संस्कृतीची जाणीव करुन देणारा मार्ग म्हणजेच श्री दुर्गा दौड याचे आयोजन श्री शिवप्रतिष्ठान हिदूस्थान शिरूर, गेली अनेक वर्ष आयोजित करत आहे. या दुर्गा दौड मध्ये जस्तीत जास्त राष्ट्र भक्त तरुण घडवत, त्यांच्या मध्ये आपल्या देशा विषयी अभिमान भिनवण्यासाठी, शिरूर मध्ये दौड चे आयोजन करण्यात येत असल्याचे उमेश शेळके, विजय थोरात, शिवाजी गाडे आदीनी सांगितले.