शिरूर नगरपरिषद सत्तेच्या राजकारणात नवीन समीकरणे भाजप राष्ट्रवादी काँग्रेस अजित पवार पक्ष एकत्र

शिरूर{ डेली न्यूज पोस्ट टीम -२४}शिरूर नगरपरिषदेचे उपनगराध्यक्ष मितेश प्रदीप गादिया यांना पदावरून दूर करण्यासाठी मांडण्यात आलेला अविश्वास ठराव शुक्रवारी (दि. ३०) विशेष सर्वसाधारण सभेत बहुमताने मंजूर करण्यात आला. ठरावाच्या बाजूने २० मते पडल्याने नगराध्यक्ष ऐश्वर्या अभिजित पाचर्णे यांनी गादिया यांना उपनगराध्यक्ष पदावरून दूर करण्यात आल्याचे जाहीर केले. या निर्णयामुळे शिरूर नगरपरिषदेच्या राजकीय वर्तुळात खळबळ उडाली आहे.

नगराध्यक्ष ऐश्वर्या पाचर्णे यांच्या अध्यक्षतेखाली रसिकभाऊ धारीवाल सभागृहात सकाळी ११ वाजता ही विशेष सभा झाली. महाराष्ट्र नगरपरिषदा, नगरपंचायती व औद्योगिक नगरी अधिनियम १९६५ मधील कलम ५५-१अ अन्वये ही सभा आयोजित करण्यात आली होती.

नगरपरिषदेच्या २८ सदस्यांपैकी सुरुवातीला २७ सदस्य सभेला उपस्थित होते. मात्र, राष्ट्रवादी काँग्रेस शरदचंद्र पवार पक्षाचे उपनगराध्यक्ष मितेश गादिया यांच्यासह स्वप्नाली जामदार, सुनीता पोटे, चारुशिला कोळपकर, रवी उर्फ शाम ढोबळे आणि अमोल चव्हाण या सहा सदस्यांनी सभात्याग केला.नगरसेविका संगीता मल्लाव यांच्या सह अन्य
१८ नगरसेवकांनी उपनगराध्यक्षांचा संदर्भात २६ ऑक्टोबर रोजी अविश्वास ठरावासाठी विशेष सभा बोलावण्याची मागणी नगराध्यक्षांकडे केली होती. त्यानुसार शुक्रवारी ही विशेष सभा घेण्यात आली. सभेत ठरावाच्या बाजूने २० मते मिळाल्यानंतर नगराध्यक्षांनी अविश्वास ठराव मंजूर झाल्याचे जाहीर केले.

या निर्णयामुळे शिरूर नगरपरिषदेतील सत्ताधारी गटातील राजकीय समीकरणांची पुन्हा चर्चा सुरू झाली आहे. भाजप व राष्ट्रवादी काँग्रेस अजितदादा पवार पक्ष हे पालिका राजकारणात एकत्र आले आहेत