पुणे अहिल्यानगर महामार्गावरील अपघातात एक जण मृत्युमुखी

शिरूर दिनांक ( वार्ताहर )
पुणे अहिल्यानगर महामार्गावर शिरुर बायपास रस्त्यावर अज्ञात वाहनाने दिलेल्या धडकेत रस्त्या ओलंडणारा पादचारी मृत्युमुखी पडला .
पहिला दमाई वय -५० वर्ष सध्या राहणार- बाबुराव नगर ,शिरूर, तालुका. शिरूर ,जिल्हा – पुणे मूळ राहणार कमलबजार नगर, जिल्हा -अच्छाम, नेपाळ असे मृत्युमुखी पडलेल्याचे नाव आहे .
याबाबत रुपेश टेकबहादुर दमाई वय-२४ वर्ष , बाबुराव नगर, तालुका- शिरूर, जिल्हा -पुणे, मूळ राहणार तालुका -कमल बाजारनगर ,जिल्हा- अच्छाम ,नेपाळ यांनी अज्ञात वाहनावरील अज्ञात चालका विरोधात फिर्याद दिली आहे .
११ मे रोजी रोजी रात्री साडेनऊ वाजता शिरुर बायपास रस्त्यावर कोळपे हॉस्पिटल जवळील डिव्हायडर लगत हा अपघात झाला. अहिल्यानगर पुणे महामार्गावर वर अहिल्यानगर बाजूकडे जाणारे लेनवर पहिला दमाई हे रस्ता ओलांडत असताना अज्ञात वाहनावरील अज्ञात चालकाने त्यांना जोराची धडक दिली. धडकेत दमाई यांच्या डोक्याला दोन्ही हाताला पायाला व इतर ठिकाणी व गंभीर स्वरूपाचा मार लागला व त्यात ते मृत्युमुखी पडले.
याबाबत पोलीस निरीक्षक संदेश केंजळे यांच्या मार्गदर्शनाखाली पोलीस हवालदार  खेडकर तपास करीत आहेत .

पहिले दमाई यांच्या निधनाबद्दल हॉटेल व्यवसायिक व माजी नगरसेवक संदिप गायकवाड यांनी दु ;ख व्यक्त करुन श्रध्दांजली वाहिली . प्रामाणिक कष्टाळू व्यक्तिमत्व हरपल्याची भावना त्यांनी व्यक्त केली .