क्रांतीज्योती सावित्रीबाई फुले यांच्या जयंतीनिमित्त शिरूर शहरात ग्रंथ प्रदर्शन व अभिवादन सभा

ज्योती सावित्री जयंती उत्सव समिती शिरूर यांच्यावतीने शहरातील हुतात्मा स्मारकाजवळ ही अभिवादन सभा घेण्यात आली.
यावेळी पोलीस निरीक्षक संदेश केंजळे
नवनिर्वाचित नगरसेवक व
माजी नगराध्यक्ष रवींद्र ढोबळे, नगरसेविका सविता राजापुरे, स्वीटी शिंदे, सुनीता भुजबळ, डॉ. सुनीता पोटे,स्वप्ननाली जामदार, पूजा पोटावळे, नगरसेवक निलेश गाडेकर, सागर नरवडे,तसेच सुप्रिया साकोरे, सविता बोरुडे, राणी कर्डीले, माजी नगरसेवक अभिजित पाचर्णे, अनिल बांडे, मनसेचे जिल्हा उपाध्यक्ष महिबूब सय्यद, प्रा. डॉ.दीपक गायकवाड, रवि लेंडे, गोपीनाथ पठारे, सुनील चौधरी, अशोक भोसले, प्रीती बनसोडे, डॉ. वैशाली साखरे, राजू खेतमाळीस, किरण बनकर आदी उपस्थित होते.
केंजळे म्हणाले की भारताच्या जडणघडणीमध्ये महात्मा फुले व सावित्रीबाई फुले या दाम्पत्याचे मोठे योगदान आहे. त्यांनी केलेल्या सामाजिक व शैक्षणिक कार्याचा आढावा केंजळे यांनी आपल्या भाषणातून घेतला.
कार्यक्रमाचे प्रास्ताविक रवींद्र बापू सानप यांनी केले.
शिरूर नगरपरिषद आणि शिरूर रिक्रिएशन क्लब अँड लायब्ररी यांच्या संयुक्त विद्यमाने क्रांतिज्योती सावित्रीबाई फुले जयंती व बालिका दिनानिमित्त ग्रंथ व पुस्तक प्रदर्शन आयोजित करण्यात आले होते.
सदर उपक्रमाचा उद्देश वाचनसंस्कृतीला चालना देणे, ज्ञानप्रसार करणे तसेच सावित्रीबाई फुले यांच्या शैक्षणिक व सामाजिक कार्याला अभिवादन करणे हा होता.
या वाचनालयाच्या माध्यमातून विद्यार्थी, युवक, महिला व सर्व वयोगटातील वाचकांना पुस्तके वाचनासाठी उपलब्ध करून देण्यात येतात. अशी माहिती ग्रंथपाल कल्पना राजेंद्र मोरे यांनी दिली.
आभार प्रा. दीपक गायकवाड यांनी मानले.
या ग्रंथ व पुस्तक प्रदर्शनास विद्यार्थी व नागरिकांसह शिरूर नगर परिषदेतील महिला नगरसेवकांनी भेट दिली.
येथील डेक्कन एज्युकेशन सोसायटी इंग्लिश मिडीयम स्कूल मध्ये सावित्रीबाई फुले यांच्या जयंती निमित्त त्यांना अभिवादन करण्यात आले. यावेळी झालेल्या कार्यक्रमात शाळेचे प्राचार्य डॉ. समीर ओंकार यांच्या हस्ते सावित्रीबाई फुले यांच्या प्रतिमेस पुष्पहार अर्पण करण्यात आला. इयत्ता आठवीतील विद्यार्थी आरुष पाटील याने सावित्रीबाई फुले यांच्या कार्यावर भाषण सादर केले. डॉ. समीर ओंकार यांनी या प्रसंगी मनोगत व्यक्त करताना सावित्रीबाई फुले व महात्मा फुले यांच्या कार्याचा आढावा घेतला. तसेच आज देशाच्या राष्ट्रपतिपदी एक महिला आहे, देशाचे पंतप्रधान पद, अर्थमंत्री पद, संरक्षण मंत्री पद महिलांनी भूषविले आहे. ऑपरेशन सिन्दुर दरम्यान सैन्याधिकारी पदाची जबाबदारी ही महिलांकडे होती हे सारे श्रेय सावित्रीबाई फुले यांच्या समर्पित कार्याचे आहे असे डॉ. ओंकार यांनी नमूद केले. या वेळी व्यासपीठावर शाळेच्या शिक्षक प्रतिनिधी सौ. जयश्री दांडगे, पूर्व प्राथमिक विभाग समन्वयक सौ. डायना बोर्डे उपस्थित होत्या. शाळेतील शिक्षिका सौ. अश्विनी पिंगळे यांनी कार्यक्रमाचे नियोजन केले. समीक्षा ठोंबरे या विद्यार्थिनीने सूत्रसंचालन व आभार प्रदर्शन केले.