जीएमआरटी खोडद विज्ञान प्रदर्शनात व्हिजन इंटरनॅशनल स्कूलच्या इयत्ता ८ वी ते १०वी गटात प्रथम क्रमांक

शिरूर { डेली न्यूज पोस्ट टीम 24}खोडद (ता. जुन्नर) – जगप्रसिद्ध National Centre for Radio Astrophysics (NCRA) अंतर्गत कार्यरत असलेल्या Giant Metrewave Radio Telescope (GMRT) येथे राष्ट्रीय विज्ञान दिनानिमित्त आयोजित भव्य विज्ञान प्रदर्शनात व्हिजन इंटरनॅशनल स्कूलच्या विद्यार्थ्यांनी दिमाखदार यश संपादन करत प्रथम क्रमांक पटकावला आहे.

गेल्या २४ वर्षांची परंपरा जपत आयोजित करण्यात आलेल्या या प्रदर्शनात पुणे जिल्ह्यातील विविध शाळा व अभियांत्रिकी महाविद्यालयांमधील २२५ हून अधिक वैज्ञानिक प्रकल्प सादर करण्यात आले. विज्ञानप्रेमी नागरिक, विद्यार्थी व तज्ज्ञांच्या उपस्थितीत हे प्रदर्शन उत्साहात पार पडले.

 “वेंडीग्राफ जनरेटर” प्रकल्प ठरला अव्वल!

इयत्ता नववीतील ईशांत गर्जे, सिद्धेश मिडगुले व साईश जाधव यांनी सादर केलेल्या “वेंडीग्राफ जनरेटर” या नाविन्यपूर्ण प्रकल्पाने परीक्षकांचे विशेष लक्ष वेधून घेतले.

 आठवी ते दहावी गटामध्ये प्रथम क्रमांक पटकावत विद्यार्थ्यांनी शाळेचा नावलौकिक उंचावला.

त्याचप्रमाणे इयत्ता अकरावीतील सानिध्य सिंग, आयुष खरात व साईराज दौंडकर यांनीही उत्कृष्ट वैज्ञानिक प्रकल्प सादर करून शाळेचे प्रतिनिधित्व अभिमानाने केले.

 शिक्षकांचे मार्गदर्शन ठरले मोलाचे

या यशामागे विषय शिक्षक तुषार पाथरे व सुदर्शन पांचाल सर यांचे परिश्रम व मार्गदर्शन लाभले. तसेच शाळेच्या मार्गदर्शक प्राचार्या प्रिन्सिपल पास्क्वीन कासी मॅडम व संतोष येवले सर यांचे प्रेरणादायी नेतृत्व विद्यार्थ्यांसाठी बळ ठरले.

 दूरदृष्टीचे नेतृत्व – विकास पोखरणा

संस्थेचे अध्यक्ष मा. विकासजी पोखरणा सर यांनी विद्यार्थ्यांचे, शिक्षकांचे व संपूर्ण टीमचे मनःपूर्वक अभिनंदन करत ही कामगिरी शाळेसाठी अभिमानास्पद असल्याचे नमूद केले. त्यांच्या दूरदृष्टीपूर्ण शैक्षणिक धोरणांमुळे शाळेत वैज्ञानिक दृष्टीकोन व संशोधन वृत्तीला सातत्याने प्रोत्साहन मिळत आहे.

 व्हिजन इंटरनॅशनल स्कूलच्या या दैदिप्यमान यशामुळे परिसरात आनंदाचे वातावरण निर्माण झाले असून, गुणवत्तापूर्ण शिक्षण व नवोन्मेषी विचारसरणीची पुन्हा एकदा प्रचिती मिळाली आहे.

विद्यार्थ्यांच्या या कामगिरीमुळे खोडदच्या जीएमआरटी विज्ञान प्रदर्शनात शिरूर परिसराचा झेंडा अभिमानाने फडकला आहे.