शिरूरमध्ये भंगार साहित्य चोरीप्रकरणी सत्याग्रहाचा इशारा

शिरूर { डेली न्यूज पोस्ट टीम 24}शिरूर नगरपरिषदेच्या मालकीच्या भंगार साहित्य चोरीप्रकरणी गुन्हा दाखल होऊनही अद्याप आरोपीला अटक करण्यात आलेली नसल्याने शिरूर प्रवासी संघाच्या वतीने १५ ऑगस्टपासून सत्याग्रह आंदोलन करण्याचा इशारा देण्यात आला असल्याचे अनिल बांडे व महिबूब सय्यद यांनी सांगितले.

याबाबत शिरूर पोलीस निरीक्षकांना निवेदन देण्यात आले आहे. नगरपरिषदेच्या मालकीच्या भंगार साहित्य चोरीप्रकरणी शिरूर पोलीस ठाण्यात गुन्हा दाखल करण्यात आला आहे. या प्रकरणाची माहिती वरिष्ठ कार्यालयाला देण्यात आली असून, २५ जुलै रोजी शिरूर पोलीस ठाण्यात प्रत्यक्ष भेट घेऊन ही बाब पोलिसांच्या निदर्शनास आणून देण्यात आली होती. मात्र, अद्याप आरोपीला अटक झालेली नसल्याचे बांडे यांनी सांगितले.

दरम्यान, या प्रकरणी १५ ऑगस्ट रोजी सकाळी १०.३० वाजल्यापासून नवीन शिरूर पोलीस ठाण्यासमोर सत्याग्रह आंदोलन करण्यात येणार असून आंदोलनाची दखल घेऊन संबंधित प्रकरणात तातडीने कार्यवाही करावी, अशी मागणी बांडे व सय्यद यांनी केली आहे.