शिरुर दिनांक ( वार्ताहर) पुणे अहिल्यानगर रस्त्याच्या कडेने पायी जात असणाऱ्या पादचारी महिलेस अज्ञात वाहनाने दिलेल्या धडकेत महिला मृत्युमुखी पडली. माया पांडुरंग कुळसंगे वय 48 रा.पहापळ ,ता. वेळापूर, जिल्हा-यवतमाळ असे मृत्यू मुखी पडलेल्या महिलेचे नाव आहे.
याबाबत पोलीसांनी दिलेल्या माहितीनुसार चंद्रशेखर पांडुरंग कुळसंगे 35 वर्षे, धंदा- ड्रायव्हर रा. कारेगाव एशियन कॉम्प्लेक्स ,ता. शिरूर जिल्हा पुणे यांनी अज्ञात वाहनावरील अज्ञात चालका विरोधात फिर्याद दिली आहे.
हा अपघात कारेगाव ता. शिरूर येथे पुणे अहिल्या नगर रस्त्यावर कोहकडे हॉस्पिटल समोर झाला.
चंद्रशेखर कुळसंगे यांचा आई माया पांडुरंग कुलसंगे वय 48 व भाऊ प्रवीण पांडुरंग कुळसंगे दोन्ही राहणार – पहापळ,तालुका, वेळापूर, जिल्हा- यवतमाळ हे बसची वाट पाहत थांबले असताना बस कारेगाव चौकात थांबली असल्याने रोडच्या कडेने पायी चालत कारेगाव चौकाकडे जात असताना कोहकडे हॉस्पिटल पुणे नगर रोडवर अज्ञात वाहनावरील अज्ञात चालक याने आपले वाहन हयगईने अविचाराने रहदारीचे नियमाकडे दुर्लक्ष करून भरधाव वेगाने चालवत घेऊन जात माया पांडुरंग कुळसंगे यांना धडक दिली. या अपघात माया यांच्या डोक्यास व उजव्या पायास हातास गंभीर दुखापती होऊन त्या मरण पावल्या. अपघाताची खबर न देता वाहनचालक पळून गेला आहे.
याबाबत पोलीस निरीक्षक महादेव वाघमोडे यांच्या मार्गदर्शनाखाली पोलीस सब इन्स्पेक्टर पासलकर अधिक तपास करत आहेत.