अखिल भारतीय मराठा महासंघाच्या वतीने शिरूर तालुक्यातील विविध समित्यांची महत्त्वपूर्ण बैठक

शिरूर { डेली न्यूज पोस्ट टीम -24}
अखिल भारतीय मराठा महासंघाच्या वतीने शिरूर तालुक्यातील विविध समित्यांची महत्त्वपूर्ण बैठक रविवारी (दि. ५ एप्रिल 2026 )  रोजी आयोजित करण्यात आली आहे. ही बैठक सायंकाळी ४ वाजता कृषी उत्पन्न बाजार समितीच्या सभागृहात होणार असून तालुक्यातील संघटनात्मक बांधणीसाठी या बैठकीला विशेष महत्त्व प्राप्त झाले आहे.
पुणे जिल्हा (उत्तर) अध्यक्ष अंकुश लांडे यांच्या सूचनेनुसार आयोजित करण्यात आलेल्या या बैठकीत शिरूर तालुका  कमिटी, महिला कमिटी, युवक कमिटी तसेच युवती कमिटीच्या पदाधिकाऱ्यांचा सहभाग अपेक्षित आहे. प्रत्येक समितीने आपल्या कार्याचा विस्तार करण्यासाठी ११ नवीन पदाधिकाऱ्यांची नियुक्ती करावी, अशा सूचना देण्यात आल्या आहेत.
या बैठकीस सर्व समिती अध्यक्षांनी आपल्या कार्यकर्त्यांसह उपस्थित राहावे, असे आवाहन तालुका अध्यक्ष शामकांत वर्पे यांनी केले आहे. संघटनेची ताकद वाढविणे, नव्या कार्यकर्त्यांना संधी देणे आणि आगामी उपक्रमांचे नियोजन करणे या दृष्टीने ही बैठक निर्णायक ठरणार असल्याचे सांगितले जात आहे.