शिरुर ( डेली न्यूज पोस्ट टीम -24) शिरूर तालुक्यातील आंबळे गावाच्या हद्दीत ट्रान्सफॉर्मर (डी.पी.) चोरीच्या प्रकरणाचा पर्दाफाश करत शिरूर पोलीस स्टेशनच्या तपास पथकाने आंतरराज्यीय सराईत चोरट्यांच्या टोळीला अटक करून एकूण ९ गुन्ह्यांची उकल केली आहे.

दिनांक ०४ जुलै २०२५ रोजी रात्री १०.३० ते सकाळी १० वाजेच्या सुमारास मौजे आंबळे येथील गट नंबर ५७९ मधील रोहित्र क्रमांक २-AOD (१००/२२ के.व्ही.) या डी.पी. मधून अज्ञात चोरट्यांनी ५० किलो तांब्याच्या कॉईल (किंमत ₹२५,०००/-) चोरी करून विजपुरवठा खंडित केला होता. यासंदर्भात शिरूर पोलीस स्टेशन येथे गुन्हा रजि. नं. ४७५/२०२५ नोंदवण्यात आला होता.

पोलीस निरीक्षक  संदेश केंजळे यांच्या मार्गदर्शनाखाली पोलीस उपनिरीक्षक  शुभम चव्हाण यांच्या नेतृत्वाखाली तपास पथकाने तपासाची चक्रे फिरवली. गुप्त माहिती संकलन, तांत्रिक विश्लेषण आणि सीसीटीव्ही फूटेजच्या आधारे आरोपी चिखली (पुणे) परिसरात येणार असल्याचे कळाल्यानंतर चिखली पोलीस स्टेशनच्या मदतीने सापळा रचून खालील तिघांना ताब्यात घेण्यात आले:

1. लवकुश कुमार उर्फ लवकुश रामप्रसाद गौतम (रा. सिध्दार्थनगर, उत्तर प्रदेश)2. मोहम्मद फरान खान उर्फ साहील (रा. सिध्दार्थनगर, उत्तर प्रदेश) 3. मुजाहिर सौकत अली खान (रा. सिध्दार्थनगर, उत्तर प्रदेश)या आरोपींनी चौकशीत राहुल गुप्ता व लवकुश मिश्रा (पत्ता अज्ञात) यांच्यासह एकूण ९ ठिकाणी डी.पी. चोरी केल्याची कबुली दिली. संबंधित गुन्हे खालील प्रमाणे आहेत:

1. गु.र.नं. २१/२०२५

2. गु.र.नं. ५३/२०२५

3. गु.र.नं. १०२/२०२५

4. गु.र.नं. १२९/२०२५

5. गु.र.नं. १३४/२०२५

6. गु.र.नं. २०८/२०२५

7. गु.र.नं. ३९९/२०२५

8. गु.र.नं. ४३०/२०२५

9. गु.र.नं. ४७५/२०२५

या कारवाईत ३१५ किलो तांबे (₹२,५०,०००/-) आणि मारुती सुझुकी SX4 वाहन (₹३,००,०००/-) असा एकूण ₹५,५०,०००/- किंमतीचा मुद्देमाल हस्तगत करण्यात आला आहे.

ही कारवाई पोलीस अधीक्षक  संदीप गिल, अप्पर पोलीस अधीक्षक  रमेश चोपडे, उपविभागीय अधिकारी  प्रशांत ढोले, आणि पोलीस निरीक्षक  संदेश केंजळे यांच्या मार्गदर्शनाखाली करण्यात आली. तपास पथकात पो.उ.नि. शुभम चव्हाण, पो.ह. नाथसाहेब जगताप, अरुण उबाळे, शरद वारे, पो.अं. विजय शिंदे, नितेश थोरात, निरज पिसाळ, सचिन भोई, निखील रावडे, रविंद्र आव्हाड, अजय पाटील यांचा समावेश होता .