शिरूर मध्ये गणेश विसर्जन मिरवणूक शांततेत संपन्न

 शिरूर{ डेली न्यूज पोस्ट टीम -२४}गेल्या अकरा दिवसापासून सुरु असणारा आनंदोत्सव असणारा गणेशउत्सवाच्या शेवटच्या दिवशी मोठया उत्साहात व थाटामाटात विघ्नहर्त्या श्री. गणेशास शिरूर मध्ये निरोप देण्यात आला.ओंसडून वाहणारा उत्साह व अलोट भाविकांच्या उपस्थितीत शिरुर शहरातील मुख्य विसर्जन मिरवणूक शांततेत पार पडली.

रात्री उशीरा मानाचा गणेश मंडळाचा श्री गणेशाचा विसर्जनाने मिरवणुकीची सांगता झाली.
मानाचा पहिला गणपती असणाऱ्या रामआळी तील समस्त नामदेव शिंपी समाज ट्रस्टच्या श्रीराम मंदिरातील गणेशाची दुपारी एकच्या सुमारास पोलीस निरीक्षक संदेश केंजळे व माजी नगराध्यक्ष राजेंद्र क्षीरसागर यांच्या हस्ते राम मंदिरातील गणेशाची आरती झाल्यावर मुख्य विसर्जन मिरवणुकीस सुरुवात झाली.

यावेळी ट्रस्टचे विवेक बगाडे, सिद्धेश्वर बगाडे, ऍड. नाना पाटेकर, महेश बोत्रे, संकेत गुजर,दत्तात्रेय क्षीरसागर, अमोल क्षीरसागर, मनोज पांढरकामे, डॉ. शिल्पा यशवंत घोडे आदी आदी उपस्थित होते. सायंकाळी या गणेशाचे लाटेआळीतील विसर्जन झाले.

मानाचा शिवसेवा मंदिर गणेश मंडळाच्या श्री. गणेशाची आरती मंडळाचे ट्रस्टी मनसुख गुगळे, ज्ञानेश्वर माऊली घावटे,ॲड .सुभाष पवार यांच्या उपस्थितीत झाली.टाळ मृदंगाच्या गजरात व आळंदी येथील वारकरी संस्थेचा बाल वारकरी समवेत ट्रस्टचा गणेशाची मिरवणूक निघाली.
सायंकाळ श्रीराम मंदिरातील गणेशाचे विसर्जन झाले .
हनुमान मंदिर व महाराणा प्रताप गणेश मित्र मंडळाच्या गणेशाची मूर्ती विसर्जनासाठी पालखीत विराजमान होती.गेल्या काही वर्षापासून या मंडळाची विसर्जन मिरवणूक पालखीतून व पारंपारिक वाद्याचा गजरात काढण्यात येत असल्याचे शिरूर वकील संघटनेचे माजी अध्यक्ष ॲड . अमित खेडकर , ॲड अक्षय घावटे ,ॲड . प्रतिक काशीकर ,प्रीतेश फुलडाळे यांनी सांगितले .

शिरुर नगरपरिषद कामगार गणेश मंडळ , पाच कंदिल चौक गणेश मित्र मंडळ व छ्त्रपती शिवाजी गणेश मंडळ लाटेआळी या गणेशाचे दुपारी विसर्जन झाले .डंबेनाला गणेश मित्र मंडळ यशवंतराव चव्हाण चौक यांनी दुपारी तर सूरजनगर गणेश मित्र मंडळ , खारा मळा गणेश मित्र मंडळ येथील गणेशाचे सायंकाळी विसर्जन करण्यात आले.

सूरजनगर गणेश मित्र मंडळ यांच्या विसर्जन मिरवणूकीत माजी नगराध्यक्षा वैशाली वाखारे , माजी उपनगराध्यक्ष दिलिप करंजुले, माजी नगरसेवक दादाभाऊ वाखारे यांच्या सह मोठया संख्येने महिला सहभागी होत्या.विसर्जनासाठी
युवा संघर्ष गणेश मित्र मंडळ यांच्या गणेशाची मूर्ती आकर्षक अश्या पुष्प रथात विराजमान होती .सरदार पेठ गणेश मित्र मंडळाची गणेश मूर्ती विसर्जनासाठी घोड्याच्या बग्गीत विराजमान होती. सायंकाळी या गणेश मंडळांच्या श्री गणेशाचे विसर्जन झाले.
विद्युत रोषणाईचे देखावे असणा-या गणेश मंडळांची विसर्जन मिरवणूक सायंकाळी सहा नंतर मारुती आळीतील धर्मवीर छत्रपती संभाजी महाराज चौकापासून सुरू झाली.
सतीशभाऊ घोलप मित्र मंडळ यांची गणेशाची मूर्ती आकर्षक रथात विराजमान होती.रेव्हन्यू कॉलनीतील सिद्धार्थ प्रतिष्ठान ची भव्य अशी गणेश मूर्ती पुष्परथात विराजमान होती.श्री गोपाळ मोठी तालीम गोपाळवस्ती यांच्या गणेशाची मूर्ती श्री. स्वामी रथात विराजमान होती.राजमाता जिजाऊ मित्र मंडळ मंगलमूर्ती नगर यांची गणेशाची मूर्ती आकर्षक अश्या रथात होती.युवा गोपाळ तालीम गणेश मित्र मंडळाच्या विसर्जन रथा वरील भव्य अशी महादेवाची भव्य मूर्ती भाविकांचे लक्ष वेधून घेत होती .जय भवानी मित्र मंडळ महाराणा प्रताप चौक काची आळी यांची गणेश मूर्ती अत्यंत आकर्षक अश्या गोल्डन रथात लक्ष वेधून घेत होती. या मंडळाचा मिरवणुकीत मोठया संख्येने महिला भगिनी सहभागी झाल्या होत्या.श्री. रसिकभाऊ धारिवाल गणेश मित्र मंडळ आडत बाजार यांच्या विसर्जन मिरवणुकीत झाँज पथक सह प्रसिद्ध दोस्ती बँड सह सहभागी होते. मंडळाने विसर्जन मिरवणुकीसाठी आकर्षक असे मंदिर बनवले होते. प्रसिद्ध उद्योगपती व माजी नगरध्यक्ष प्रकाश धारिवाल मंडळाचे प्रमुख आधार स्तंभ असून मंडळाचा विसर्जन मिरवणुकीत ते सहभागी झाले होते.श्री. स्वामी समर्थ गणेश मित्र मंडळ यांनी आकर्षण अशी सजावट विसर्जन मिरवणुकीसाठी केली होती.आझाद सोशल फाउंडेशन लाटेआळी यांची गणेशमूर्ती घोड्याच्या बग्गीत विराजमान होती.आखिल रामआळी गणेश मित्र मंडळ यांची गणेश मूर्ती श्रीराम रथात विराजमान होती.विठ्ठल मंदिर गणेश मित्र मंडळ कुंभार आळी यांनी आकर्षक असे मंदिर केले होते. पूर्वमुखी हनुमान गणेश मित्र मंडळ सोनार आळी यांच्या विसर्जन मिरवणुकीतील सिंहाची मूर्ती लक्ष वेधून घेत होती. श्री.गणेशाची मूर्ती लक्ष्मी विष्णू शेष रथावर होती. मानाचा पाचवा असणारा गणपती हनुमान मित्र मंडळ कामाठीपुरा यांनी आकर्षक असे मंदिर साकारले होते.सिंहगर्जना गणेश मित्र मंडळ यांनी आकर्षक असा देखावा सादर केला होता. अजिंक्यतारा गणेश मित्र मंडळ यांचा श्री गणेश पुष्प रथात होता.मुंजोबा गणेश मित्र मंडळ भाजी बाजार यांची शारदा गजानन गणेशाची मूर्ती श्री. शंकर महाराज रथात विराजमान होती. आखिल गुजर मळा् गणेश मित्र मंडळाची गणेश मूर्ती स्वामी समर्थ रथात होती.मुंजाबा मंदिर गणेश मित्र मंडळ यांचा गणेश आकर्षक असा मंदिरात होता.रामलिंग गणेश मित्र मंडळ करंजुले वस्ती यांच्या श्री गणेशाची मूर्ती आकर्षक अश्या रथावर आरुढ होती.
लक्ष लक्ष दिव्यांनी सजावट केलेले आझाद हिंद गणेश मित्र मंडळ सुभाष चौक यांचे गणेश मंदिर सर्वांचे लक्ष वेधून घेत होते. नयन मनोहर अशी विद्युत रोषणाई गणेश मंदिरावर करण्यात आली होती. या मंदिरात श्री गणेशाची मूर्ती  विराजमान होती.
श्रीमंत हलवाई चौक गणेश मित्र मंडळ यांचा हलवाई चौकाचा राजा हा मयूर रथाट विराजमान होता.यंदा मंडळाचे उत्सवाचे सुवर्ण महोत्सवी वर्ष होते.
हनुमान गणेश मित्र मंडळ मारुती आळी यांच्या विसर्जन मिरवणुकीतील छत्रपती संभाजी महाराज यांची भव्य व तेजस्वी मूर्ती लक्ष वेधून घेणारी होती.जय बजरंग गणेश मित्र मंडळ जोशीवाडी यांची श्री. गणेश मूर्ती घोड्याच्या बग्गीत होती.श्री. रामलिंग पाबळ फाटा गणेश मित्र मंडळ आकर्षक असा रथ केला होता. छत्रपती संभाजी महाराज व सुवर्णयुगचा राजा मित्र मंडळ छत्रपती संभाजी नगर (हुडको कॉलनी ) या दोन्ही गणेश मंडळाच्या श्री. गणेशाची एकत्रित विसर्जन मिरवणूक आकर्षक रथातून काढण्यात आली.
रेव्हन्यू कॉलनीतील त्रिमूर्ती गणेश मित्र मंडळाची श्री. गणेशाची मूर्ती श्री. शिव शंकर रथात होती. भव्य अशी शिवाची मूर्ती लक्ष वेधून घेणारी ठरली.
दरम्यान शिरूर नगरपरिषदेचे मुख्याधिकारी व कार्यालयीन अधीक्षक राहुल पिसाळ यांनी विसर्जन मिरवणुकीतील सर्व सहभागी गणेश मंडळाचा पालिकेचा वतीने सत्कार केला.
विसर्जन मार्गावर पोलीस उप अधीक्षक प्रशांत ढोले व पोलीस निरीक्षक संदेश केंजळे यांच्या मार्गदर्शनाखाली पोलिसांचा व गृहरक्षक दलाचा बंदोबस्त ठेवण्यात आला होता .
शिरुर नगरपरिषदेकडून गणेश विसर्जन मिरवणूक मार्गावर रस्ते व पथदिवे दुरुस्त करून वाढलेल्या झाडांच्या फांद्या छाटणे तसेच घाट व रस्त्यांची स्वच्छता करण्यात आली होती.
पर्यावरणपूरक गणेशोत्सव साजरा करण्यासाठी शनि मंदिर विसर्जन घाट, दशक्रिया विधी घाट व रयत शाळेचे मैदान या ठिकाणी कृत्रिम विसर्जन हौद/कुंभ तयार करण्यात आले होते तसेच निर्माल्य संकलनासाठी विशेष निर्माल्य कलशांची सोय करण्यात आली होती.
विसर्जनावेळी सुव्यवस्था राहावी यासाठी नगरपरिषदेच्या वतीने अधिकारी व कर्मचाऱ्यांची नेमणूक करण्यात आली . यासोबतच नगरपरिषदेच्या वतीने श्री गणेश मूर्ती संकलन उपक्रम राबविण्यात आला मूर्ती संकलनासाठी स्वयंस्फूर्तीने सहभाग नोंदविणाऱ्या भक्तांना “पर्यावरण दूत” प्रमाणपत्र प्रदान करण्यात आल्याचे मुख्याधिकारी प्रितम पाटील यांनी सांगितले.
शिरूर नगरपरिषद आणि टोफी होम फूड डिलिव्हरी ॲप यांच्या संयुक्त विद्यमानाने शिरूर मध्ये बाप्पाला निरोप देण्यासाठी आपल्या घरापासून ते विसर्जन घाटापर्यंत मोफत वाहन सुविधा उपलब्ध करण्यात आली.
महाराष्ट्र नवनिर्माण सेना शिरूरचा वतीने विसर्जन घाटा वर गणेश भक्तांसाठी महाप्रसादाची व्यवस्था करण्यात आली होती हजारो भाविकांनी महाप्रसादचा लाभ घेतल्याचे मनसेचे जिल्हा उपाध्यक्ष महिबूब सय्यद, शहर प्रमुख आदित्य मैड, रवी लेंडे अविनाश घोगरे व सामाजिक कार्यकर्ते रवींद्र सानप व अनिल बांडे यांनी सांगितले. शिरूर येथील सार्वत्रिक गणेशोत्सव विसर्जन मिरवणुकीतील बंदोबस्तावर असलेल्या पोलीस बांधवांसाठी आम्ही शिरूरकर फाउंडेशन शिरूर प्रवासी संघटना मनसे पदाधिकारी यांच्या सहकार्याने पोळी भाजीचा डबा पाण्याची बाटली स्वीट डिश इत्यादीचे किट 110 पोलीस बांधवांना देण्यात आले.
या उपक्रमासाठी आम्ही शिरूरकर फाउंडेशनचे रवींद्र सानप, महिबूब सय्यद बुब बाय सय्यद अनिल,बांडे फैजल पठाण आदित्य मैड, रवी लेंडे, बंडू दुधाने, विकास नागरगोजे ,राहुल निकुंभ, फिरोज शिकलकर, आशुतोष मिसाळ, गोपीनाथ पठारे यांनी सहकार्य केले.
मिरवणुकीचे ठळक वैशिष्ट्ये,-
मिरवणुकीत गुलालाचा वापर घटला.
मिरवणुकीत युवकांचा व महिलांचा वाढता सहभाग.