बाबुरावनगर ते कारेगाव आणि वाघोली दरम्यान पीएमपीएमएल बससेवा ३ नोव्हेंबरपासून सुरू होणार

शिरूर { डेली न्यूज पोस्ट टीम -24}गेल्या अनेक दिवसापासून सातत्याने मागणी होत असलेल्या शिरूर शहरा लगत असणा-या बाबुराव नगर येथे सोमवार दिनांक ३ नोव्हेंबर पासून पीएमपीएमएल { पुणे महानगर परिवहन मंडळ } बससेवेचा नवीन मार्ग कारेगाव ते शिरूर (बाबूराव नगर ) असा सुरु होत आहे.

शिरूर शहराच्या मागील काही वर्षापासुन झपाट्याने विकास व विस्तार होत आहे. रांजणगाव व सुपा औद्योगिक वसाहतीत काम करणारे कामगार अधिकारी वर्ग व विविध शिक्षण संस्थाचे असणारे जाळे यामुळे शैक्षणिक हब म्हणून निर्माण झालेली शिरूरची ओळख व शांतताप्रिय शहर म्हणून अनेक जणांची राहण्यासाठीचे आवडीचे शहर व शिरूर श्रीगोंदा व पारनेर या तीन तालुक्याचे बाजारपेठेचे ठिकाण व शिरूर मध्ये वाढलेली हॉस्पिटल व त्यामुळे निर्माण झालेल्या वैद्यकीय सुविधा या सर्वानमुळे शिरूरची गावाकडून शहरा कडे वाटचाल सुरु झाली आहे. पुणे अहिल्यानगर महामार्गा वरील महत्वाचे शहर अशी शिरूरची ओळख निर्माण झाली आहे.
साहजिकच वाढलेली लोकसंख्या विद्यार्थ्यांची वाढ़ती संख्या या दृष्टीने सार्वजनिक वाहतूक वाढणे गरजेचे बनलेले असताना मागील दोन वर्षांपूर्वी शिरूर शहरात पीएमपीएमएल ची सेवा सुरु झाली आहे.
या पीएमपीएमएल सेवेचा विस्तार बाबुराव नगर सह शहरातील विविध उपनगरात व्हावा व बससेवाच्या फे-या वाढव्यात अशी मागणी केली जात होती.
शहरा लगत असणारे बाबुरावनगरचा मागील काही वर्षात मोठ्या विस्तार झाला आहे.  मोठे गृहप्रकल्प विविध शैक्षणिक संस्था यांचे असणारे जाळे, एमआयडीसीत काम करणारे कामगाराचे या परिसरात वाढलेले वास्तव्य यामुळे या परिसरात पीएमपीएमएलची बससेवा सुरु करावी या मागणीने जोर धरला होता. याबाबत माजी सनदी अधिकारी किशोरराजे निंबाळकर व प्रा. डॉ राजेराम घावटे यांनी पीएमपीएमएल कार्यालयाकडे पाठपुरावा केला होता. त्यानुसार १५ दिवसापूर्वी पीएमपीएमएलच्या अधिकारी यांनी या परिसरात येऊन पाहणी केली होती. या पाहणी नंतर या मार्गावर बस सुरु करण्याचा निर्णय घेण्यात आला आहे.
सोमवार दिनांक ३ नोव्हेंबर २०२५ रोजी सकाळी १० वाजता ज्ञानगंगा विश्व् विद्यालय बाबुराव नगर शिरूर येथून नवीन बस मार्गाचा शुभारंभ होणार आहे. माजी सनदी अधिकारी किशोरराजे निंबाळकर,
पोलीस निरीक्षक संदेश केंजळे,
पीएमपीएमएल चे वाघोलीचे डेपो मॅनेजर विजय मदगे,
प्राचार्य डॉ. के. सी. मोहिते,
प्रा. डॉ. राजेराम घावटे
प्रचार्य डॉ. अमोल शहा
प्राचार्य डॉ. समीर ओंकार
व समस्त शिरूरकर नागरिकांच्या उपस्थितीत हा कार्यक्रम होणार आहे. सर्वांनी उपस्थित राहावे असे आवाहन करण्यात आले आहे.
शिरूर – कारेगाव बसमार्ग – ज्ञानगंगा विश्व् विद्यालय, चंदन चौक, सी. टी. बोरा कॉलेज, निर्मल प्लाझा, शिरूर नगरपरिषद दवाखाना, प्रशासकीय इमारत, शासकीय विश्रामगृह,शिरूर नगरपरिषद दवाखाना, एलआयसी ऑफिस, शिरूर बसस्थानक, बाजार समिती, रामलिंग फाटा, शिरूर नगर परिषद, मंगलमूर्ती नगर, रिलायन्स पेट्रोल पंप, बो-हाडे मळा, न्हावरा फाटा, सरदवाडी, कारेगाव यशइन चौक
कारेगाव – शिरूर
बसमार्ग पुढील प्रमाणे – यशइन चौक, कारेगाव, सरदवाडी, न्हावरे फाटा, रिलायन्स पेट्रोल पंप मंगलमूर्ती नगर, शिरूर नगरपरिषद, रामालिंग फाटा, बाजार समिती, एस. टी. बसस्थानक, एलआयसी ऑफिस, शिरूर नगरपरिषद दवाखाना, प्रशासकीय इमारत, शिरूर शासकीय विश्रामगृह, प्रशासकीय इमारत, शिरूर नगरपरिषद दवाखाना, निर्मल प्लाझा, सी. टी. बोरा कॉलेज, चंदन चौक, ज्ञानगंगा विश्व् विद्यालय बाबुराव नगर

शिरूर – कारेगाव – वाघोली बसमार्ग – ज्ञानगंगा विश्व् विद्यालय, चंदन चौक, सी. टी. बोरा कॉलेज, निर्मल प्लाझा, शिरूर नगरपरिषद दवाखाना, प्रशासकीय इमारत, शासकीय विश्रामगृह,शिरूर नगरपरिषद दवाखाना, एलआयसी ऑफिस, शिरूर बसस्थानक, बाजार समिती, रामलिंग फाटा, शिरूर नगर परिषद, मंगलमूर्ती नगर, रिलायन्स पेट्रोल पंप, बो-हाडे मळा, न्हावरा फाटा, सरदवाडी, कारेगाव यशइन चौक, रांजणगाव गणपती, कोंढापुरी, शिक्रापूर, सणसवाडी, कोरेगाव, लोणीकंद, वाघोली

वाघोली -कारेगाव – शिरूर बसमार्ग
बसमार्ग पुढील प्रमाणे – वाघोली, लोणीकंद, कोरेगाव, सणसवाडी, शिक्रापूर, कोंढापुरी, रांजणगाव गणपती,यशइन चौक, कारेगाव, सरदवाडी, न्हावरे फाटा, रिलायन्स पेट्रोल पंप मंगलमूर्ती नगर, शिरूर नगरपरिषद, रामालिंग फाटा, बाजार समिती, एस. टी. बसस्थानक, एलआयसी ऑफिस, शिरूर नगरपरिषद दवाखाना, प्रशासकीय इमारत, शिरूर शासकीय विश्रामगृह, प्रशासकीय इमारत, शिरूर नगरपरिषद दवाखाना, निर्मल प्लाझा, सी. टी. बोरा कॉलेज, चंदन चौक, ज्ञानगंगा विश्व् विद्यालय बाबुराव नगर