शिरूर { डेली न्यूज पोस्ट टीम 24}शहरातील जोशीवाडी विठ्ठलनगर पांजरापोळ परिसरात मागील काही दिवसात बिबट्याचा वावर वाढल्याचा पार्श्वभूमीवर अलर्ट मोडवर आलेल्या वन खात्याने पांजरापोळ परिसरामध्ये तीन पिंजरे तसेच ट्रॅप कॅमेरे बसविले होते. 
या पिंजऱ्यांमध्ये आज सकाळी शुक्रवार दिनांक 23 जानेवारी रोजी बिबट्या जेरबंद झाला. हा बिबट्या नर असून अंदाजे वय तीन ते चार वर्ष असून बिबट्यास माणिक डोह डोह बिबट निवारण केंद्राकडे रवाना करण्यात आल्याचे तालुका वनाधिकारी नीलकंठ गव्हाणे यांनी सांगितले.दरम्यान तीन दिवसापूर्वी या परिसरात बिबट्याच्या वावर असल्याची माहिती मिळताच वन विभाग, शिरूर यांच्या वतीने तातडीने शोधमोहीम (सर्च ऑपरेशन) सुरू करण्यात आली होती. मानवी वस्ती असलेला परिसर, अरुंद बोळ्या आणि दाट घरे यामुळे बिबट्याचा ठावठिकाणा निश्चित करणे कठीण जात होते. मात्र, दीर्घ प्रयत्नांनंतर बिबट्याला हुसकावून नदीच्या दिशेने पाठवण्यात वन विभागाला यश आले होते.
विशेषतः संध्याकाळी व रात्रीच्या वेळी बाहेर पडताना सावधगिरी बाळगावी. लहान मुलांची विशेष काळजी घ्यावी व त्यांना रात्री एकटे बाहेर सोडू नये. घरासमोर पुरेसा उजेड ठेवण्याचेही आवाहन करण्यात आले आहे.काही महिन्यापूर्वी शिरूरच्या नदीकडच्या असणाऱ्या सूरज नगर परिसरातही बिबट्याचे दर्शन झाले होते. 
