वार्ड क्रमांक ८ अ मधून अपक्ष उमेदवार ॲड. अंकिता राजेंद्र क्षीरसागर यांच्या प्रचाराला गती

शिरूर{ डेली न्यूज पोस्ट टीम -24}शिरूर नगरपरिषद निवडणूक 2025 च्या पार्श्वभूमीवर वार्ड क्रमांक ८ अ मधून अपक्ष उमेदवारी दाखल केलेल्या ॲड. अंकिता राजेंद्र क्षीरसागर यांनी विकासाचा ध्यास घेत प्रचाराला वेग दिला आहे. “एकच ध्यास – शिरूरचा विकास, आणि आपली हक्काची ताई” अशी हाक देत त्या मतदार संपर्कात सक्रिय असून नागरिकांकडून उत्स्फूर्त प्रतिसाद मिळत आहे.

सर्वसामान्य कुटुंबातील संस्कार, लोकसेवेचे बाळकडू आणि प्रामाणिकपणा हीच आपल्या राजकारणातील ताकद असल्याचे ॲड. क्षीरसागर यांनी सांगितले. त्यांच्या आजोबा कैलासवासी शांताराम शंकर क्षीरसागर व माजी नगराध्यक्ष राजेंद्र क्षीरसागर यांची लोकसेवा हीच आपली प्रेरणा असल्याचे त्यांनी नमूद केले. वकिली व्यवसायात असताना सर्वसामान्यांच्या प्रश्नांना आवाज देण्याचे काम केले असून, याच सेवाभावातून राजकारणात पुढे आल्याचे त्या म्हणाल्या.

वार्डातील नागरिकांनी आग्रहाने उमेदवारी सुचवली आणि त्यांचा विश्वास हीच आपली मोठी ताकद असल्याचे त्यांनी स्पष्ट केले. “मी कोणत्याही राजकारणासाठी नाही, तर आपल्या प्रश्नांसाठी आणि आपल्या विकासासाठी उभी आहे,” असा विश्वासही त्यांनी मतदारांना दिला.

निवडून आल्यास रस्ते सुशोभीकरण, स्वच्छता, आरोग्य सुविधा, प्रकाशयोजना, वाहतूक व्यवस्थापन, पाणीपुरवठा व ड्रेनेज प्रश्न, युवक व महिलांसाठी उपयुक्त उपक्रम, तसेच सुरक्षित आणि हरीत शिरूर घडविण्याचे काम प्राधान्याने करणार असल्याचे त्यांनी जाहीर केले.

“आपले एक मत… परिवर्तनाची शक्ती!” असे आवाहन करत २ डिसेंबरला अंगठी चिन्हासमोरचे बटन दाबण्याचे आवाहन ॲड. अंकिता क्षीरसागर यांनी केले. त्यांच्या पदयात्रेत मोठ्या संख्येने महिला सह युवक सहभागी झाले होते .