पोलीस उपअधीक्षक अनिल कटके राष्ट्रपती पोलीस पदकाने सन्मानित.

शिरूर { डेली न्यूज पोस्ट टीम 24}गोलेगाव (ता. शिरूर) येथील सुपुत्र, कर्तव्यनिष्ठ व प्रामाणिक पोलीस अधिकारी पोलीस उपअधीक्षक अनिल कटके यांना उल्लेखनीय कार्याबद्दल राष्ट्रपती पदकाने सन्मानित करण्यात आले आहे.राज्यपाल जिष्णूदेव वर्मा यांच्या हस्ते हे पदक देण्यात आले.

त्यांच्या या गौरवामुळे गोलेगावच्या शिरपेचात मानाचा तुरा रोवला गेला असून, परिसरातून त्यांच्यावर अभिनंदनाचा वर्षाव होत आहे.

कटके हे सध्या बीड जिल्ह्यामध्ये पोलीस उपअधीक्षक म्हणून कार्यरत आहेत. यापूर्वी त्यांनी मुंबई, नंदुरबार, पुणे, सांगली,अहिल्यानगर हिंगोली या ठिकाणी काम केले आहे.

पोलीस दलात कार्यरत असताना कटके यांनी कर्तव्यनिष्ठा, शिस्त, धाडसी वृत्ती, प्रामाणिकपणा आणि जनसेवेची बांधिलकी जपत आपली वेगळी ओळख निर्माण केली आहे. त्यांच्या उल्लेखनीय कार्याची दखल घेत त्यांना मिळालेला हा सन्मान त्यांच्या प्रदीर्घ सेवाकार्याचा आणि कर्तृत्वाचा गौरव मानला जात आहे.

ग्रामीण भागातून पुढे येत पोलीस दलात उल्लेखनीय कामगिरी करणाऱ्या अनिल कटके यांनी आपल्या कार्यातून तरुणांसमोर प्रेरणादायी आदर्श निर्माण केला आहे. मेहनत, जिद्द आणि समाजाप्रती असलेली निष्ठा यांच्या बळावर यशाचे शिखर गाठता येते, हे त्यांनी आपल्या कार्यातून दाखवून दिले आहे.

त्यांच्या या यशाबद्दल सनशाईन सॅटर्डे क्लबचे अध्यक्ष तथा महाराष्ट्र लोकसेवा आयोगाचे माजी अध्यक्ष किशोर राजे निंबाळकर यांनी हार्दिक अभिनंदन केले आहे. त्यांच्या पुढील वाटचालीसाठी शुभेच्छा व्यक्त करत, त्यांच्या हातून समाजाची आणि देशाची अशीच उत्तम सेवा घडत राहो, अशी अपेक्षा व्यक्त केली.