सुखकर्ता को-ऑप क्रेडिट सोसायटी शिरूर शाखे कडून दुसऱ्या वर्धापन दिनानिमित्त कडून सामाजिक उपक्रम;

शिरूर {डेली न्यूज पोस्ट टीम 24}सुखकर्ता को-ऑप क्रेडिट सोसायटी लि., मुंबईच्या शिरूर शाखेच्या दुसऱ्या वर्धापनदिनाचे औचित्य साधून सोसायटीच्या वतीने सामाजिक बांधिलकी जपत श्री. स्वामी समर्थ सेवा संस्था , शिरूर यांना एक मेडिकल बेड भेट देण्यात आला. हा मेडिकल बेड सेवा संस्थे मार्फत शिरूर परिसरातील गरजू रुग्णांना माफक शुल्कात उपलब्ध करून देण्यात येणार आहे.

शिरूर शाखेच्या दुसऱ्या वर्धापनदिनानिमित्त आयोजित स्नेहमेळाव्यात हा उपक्रम राबविण्यात आला. यावेळी सुखकर्ता को-ऑप क्रेडिट सोसायटी लि., मुंबईचे संस्थापक तानाजी मोहिते, जनरल मॅनेजर एकनाथ माळी, संचालक मंडळाचे सदस्य, शिरूर शाखेचे शाखा व्यवस्थापक कैलास घाटगे, शाखा सल्लागार केशव लोखंडे, विकास अधिकारी रवि लेंडे, तसेच कर्मचारी प्रियंका भिसे, सोनाली देशमुख आदी उपस्थित होते.याप्रसंगी बोलताना संस्थापक तानाजी मोहिते यांनी सांगितले की, सुखकर्ता को-ऑप क्रेडिट सोसायटीच्या शिरूरसह कोल्हापूर, मुंबई, सातारा आणि सांगली या भागात शाखा कार्यरत आहेत. ग्राहकाभिमुख सेवा देत असल्याने सोसायटीला नागरिकांचा चांगला प्रतिसाद मिळत आहे. सामाजिक बांधिलकीच्या भावनेतून शिरूर शाखेच्या दुसऱ्या वर्धापनदिनानिमित्त गरजू रुग्णांना उपयुक्त ठरेल असा मेडिकल बेड स्वामी समर्थ सेवा संस्थे ला भेट देण्यात आल्याचे त्यांनी स्पष्ट केले.शाखा व्यवस्थापक कैलास घाटगे यांनी शिरूर शाखेच्या आतापर्यंतच्या कामकाजाचा आढावा घेतला.

श्री. स्वामी समर्थ सेवा संस्थेच्या वतीने गणेश घाडगे, योगेश वाळकीकर, भूषण कडेकर,  श्यामसुंदर चिखलीकर,संपत लोखंडे, प्रमोद पवार आदींनी मेडिकल बेड स्वीकारला. सेवा संस्थेचाच्या वतीने शिरूर परिसरातील गरजू रुग्णांसाठी मेडिकल बेड, वॉकर तसेच इतर वैद्यकीय साहित्य माफक शुल्कात उपलब्ध करून देण्यात येणार असल्याची माहिती यावेळी देण्यात आली.