छत्रपती शिवाजीमहाराज जयंती,वाणीचे जादूगार पूज्य गुरुदेव श्री रमणीक मुनीजी म.सा. यांच्या ४७ व्या दीक्षा दिनानिमित्त आणि शिरूरभूषण दानशूर व्यक्तिमत्त्व भामाशाह रसिकलालजी धारीवाल यांच्या जयंतीनिमित्त रक्तदान शिबिराचे आयोजन

èशिरूर { डेली न्यूज पोस्ट 24}छत्रपती शिवाजी महाराज यांच्या जयंतीनिमित्त तसेच वाणीचे जादूगार पूज्य गुरुदेव श्री रमणीक मुनीजी म.सा. यांच्या ४७ व्या दीक्षा दिनानिमित्त आणि शिरूर भूषण दानशूर व्यक्तिमत्त्व भामाशाह रसिकलालजी धारीवाल यांच्या जयंतीनिमित्त भव्य रक्तदान शिबिराचे आयोजन करण्यात आले आहे.

“रक्तदान करा… राष्ट्रीय एकात्मता वाढवा…” या संदेशाखाली आयोजित करण्यात आलेले हे शिबिर मंगळवार दि. १७ फेब्रुवारी २०२६ रोजी सकाळी ११ ते ५ या वेळेत पार पडणार आहे. हे शिबिर जैन पंचायत भवन, नगरपालिकेच्या समोर, शिरूर येथे होणार आहे.

समाजातील नागरिकांनी मोठ्या संख्येने उपस्थित राहून रक्तदान करून सामाजिक बांधिलकी जपावी, असे आवाहन करण्यात आले आहे.

या उपक्रमास श्री सकल जैन समाज, शिरूर यांचे सहकार्य लाभले असून आयोजन कापड बाजार मित्र मंडळ व ओम रक्त पेढी , शिरूर यांच्या वतीने करण्यात आले आहे.रक्तदान हीच खरी मानवसेवा असून गरजू रुग्णांना जीवनदान देण्यासाठी नागरिकांनी उत्स्फूर्त प्रतिसाद द्यावा, असे आयोजकांनी नमूद केले आहे.