घरकुल योजनेतील लाभार्थी स्वंत : बांधकामाची प्रगती फोटोसह व पुढील टप्याची निधी मागणी गूगल फॉर्म व्दारे गटविकास अधिकाऱ्यांकडे नोंदवू शकणार – गटविकास आधिकारी महेश डोके
शिरुर ( डेली न्यूज पोस्ट टीम -24 )पुणे जिल्हा परिषदेच्या अंतर्गत प्रधानमंत्री आवास योजना, रमाई आवास योजना, शबरी आवास योजना , यशवंत व दिव्यांग आवास योजना आणि मोदी आवास योजना या योजनेंतर्गत प्रत्येक पंचायत समिती मध्ये लाभार्थांसाठी एक महत्त्वाची सुविधा सुरू करण्यात आली आहे
. लाभार्थ्यांना त्यांच्या घरकुल बांधकामाच्या टप्प्यानुसार पुढील हप्त्या मिळण्यासाठी किंवा अर्ज करण्यासाठी आता शासकीय कार्यालयात जाण्याची गरज नाही.घरकुल योजनेतील लाभार्थी स्वंत : बांधकामाची प्रगती फोटोसह व पुढील टप्याची निधी मागणी गूगल फॉर्म व्दारे गटविकास अधिकाऱ्यांकडे नोंदवू शकणार असल्याचे गटविकास आधिकारी महेश डोके
यांनी सांगितले .
त्यानुसार शासकीय यंत्रेद्वारे त्याची पडताळणी व जीओ टॅगिंग केले जाईल व पुढील हप्ता ऑनलाइन मिळेल .ऑनलाइन अर्ज प्रक्रिया लिंक https://docs.google.com/forms/d/e/1FAIpQLSfFFKxi7lYUqkQH7cJRCMOB8kyG8DCsbPE5gFnq_3nDGedRbg/viewform?usp=header ही आहे .
लाभार्थी त्यांच्या गावातून ऑनलाइन गूगल फॉर्मद्वारे घरकुल बांधकामाच्या फोटोसह अर्ज करू शकणार आहेत. या अर्जाच्या आधारे प्रशासनाला कळणार आहे की संबंधित लाभार्थ्याचे घरकुल कितपत पूर्ण झाले आहे .
Geotaggin साठी फोटो काढण्यासाठी कर्मचाऱ्यांनी कोणत्या गावात जावे.कोणकोणत्या गावातील घरकुलाचे बांधकाम पुढील टप्प्यात आले आहे.आणि पुढील हप्ता मंजूर करावा का किवा कसे.त्यानुसार, ग्रामीण गृहनिर्माण अधिकारी (RHE) संबंधित गावात जाऊन Geotagging करणार आहेत, ज्यामुळे लाभार्थ्यांची घरे बांधकामासाठी निधी प्रगतीच्या टप्प्यानिहाय लवकर व वेळेत उपलब्ध होईल असे डोके म्हणाले .
नवीन प्रक्रिया पुढील प्रमाणे –
लाभार्थींनी ऑनलाईन अर्ज भरावा.
अर्ज भरताना घरकुलाच्या सद्यस्थितीचा फोटो अपलोड करावा.
फोटो मध्ये बांधकाम प्रगती व लाभार्थी स्पष्ट दिसतील असे फोटो अपलोड करावेत .अर्ज केल्यानंतर संबंधित अधिकारी गावात जाऊन प्रत्यक्ष Geotagging करतील.बांधकामाची खात्री पूर्ण झाल्यानंतर पुढील हप्ता मंजूर केला जाईल.या नवीन प्रक्रियेमुळे लाभार्थ्यांना कार्यालयात फेऱ्या माराव्या लागणार नाहीत, वेळ आणि पैशांची बचत होणार आहे, तसेच घरकुल योजनेतील लाभार्थ्यांना अधिक जलद गतीने निधी मिळण्यास मदत होणार आहे.असे डोके म्हणाले .
लाभार्थ्यांनी ऑनलाइन अर्ज करण्यासाठी वर दिलेली अधिकृत वेबसाईट किंवा लिंक गटविकास अधिकारी पंचायत समिती व ग्राम पंचायत मध्ये आणि ग्रामसेवक किवा ग्राम पंचायत अधिकाऱ्याशी संपर्क साधावा असे आवाहन डोके यांनी केले आहे .
