भरधाव ट्रकने धडक दिल्याने महिला मृत्यूमुखी

शिरूर { डेली न्यूज पोस्ट टीम 24}: वडगाव रासाई (ता. शिरूर) येथे भरधाव ट्रकने धडक दिल्याने बनूबाई दिक्षीत चव्हाण (रा. जालना) यामहिलेचा मृत्यू झाल्याची घटना झाली. सोमवारी (दि. १६) दुपारी घडली. या प्रकरणी अज्ञात ट्रकचालकाविरुद्ध शिरूर पोलीस ठाण्यात गुन्हा दाखल करण्यात आला आहे.

पोलीसानी दिलेल्या माहितीनुसार, दुपारी सुमारे १.३० वाजण्याच्या सुमारास वडगाव रासाई गावच्या हद्दीत विनायक हांडे यांच्या घरासमोर टाटा कंपनीचा ट्रक (क्र. एमएच १० झेड १५६७) भरधाव वेगात येऊन बनूबाई दिक्षीत चव्हाण (रा. जालना) यांना पाठीमागून धडक दिली. या अपघातात त्यांना गंभीर दुखापत झाली.

स्थानिकांनी तातडीने त्यांना उपचारासाठी रुग्णालयात दाखल केले; मात्र उपचारादरम्यान त्यांचा मृत्यू झाला. घटनेची माहिती मिळताच नातेवाईकांना कळविण्यात आले. त्यांच्या मुलगा राजू दिक्षीत चव्हाण यांच्या सांगण्यावरून शिवाजी सिताराम वाघमारे (वय ३५, रा. वडगाव रासाई) यांनी शिरूर पोलीस ठाण्यात फिर्याद दिली.

याप्रकरणी भारतीय न्याय संहिता २०२३ चे कलम १९६ (१), २८१, १२५ (अ)(ब) तसेच मोटार वाहन कायदा कलम १८४ अन्वये गुन्हा क्रमांक १३२/२०२६ दाखल करण्यात आला आहे. घटनेची नोंद रात्री ९.४४ वाजता (एंट्री क्र. ५८/२६) करण्यात आली.

अपघातानंतर ट्रकचालक पसार झाला असून पोलिसांनी त्याचा शोध सुरू केला आहे. पुढील तपास पोलीस हवालदार गवळी करीत आहेत