पुणे -अहिल्यानगर महामार्गांवर बो-हाडे मळा येथे झालेल्या अपघातात ३७ वर्षीय युवकाचा मृत्यू

  शिरूर { डेली न्यूज पोस्ट टीम 24}पुणे -आहिल्यानगर महामार्गावर सोमवारी (दि. १६) रात्री झालेल्या अपघातात विनोद संपत वर्पे या ३७  वर्षीय { रा. बो-हाडे मळा, शिरूर, ता. शिरूर जि. पुणे } या तरुणाचा मृत्यू झाला. मोटारसायकल घसरून पडल्याने डोक्याला गंभीर दुखापत झाल्याने ही दुर्घटना घडली.

याबाबत पोलिसांनी दिलेल्या माहीतनुसार याबाबत शिरूर पोलीस ठाण्यात अकस्मात मृत्यू रजिस्टर क्रमांक २४/२०२६, बीएनएसएस कलम १९४ प्रमाणे नोंद करण्यात आली आहे. संदीप सुखदेव वर्पे (वय ४३, व्यवसाय – व्यापार, रा. बोहाडेमळा, शिरूर) यांनी याबाबत खबर दिली आहे.
विनोद संपत वर्पे (वय ३७) हे सोमवारी रात्री सुमारे साडेआठच्या सुमारास शिरूर बाजूकडून बोहाडेमळा येथे स्वतःच्या ताब्यातील मोटारसायकलवरून जात होते. अहिल्यानगर पुणे महामार्गावर हॉटेल वैभवजवळ अचानक एक अज्ञात व्यक्ती आडवी आल्याने वाहन घसरून ते रस्त्यावर कोसळले. अपघातात त्यांच्या डोक्याला गंभीर दुखापत झाली.
घटनेची माहिती मिळताच नातेवाईकांनी त्यांना तत्काळ शिरूर येथील रुग्णालयात उपचारासाठी दाखल केले; मात्र वैद्यकीय अधिकाऱ्यांनी तपासून त्यांना मृत घोषित केले.
या घटनेमुळे बोहाडेमळा परिसरात हळहळ व्यक्त होत आहे. पुढील तपास पोलीस निरीक्षक संदेश केंजळे यांच्या मार्गदर्शनाखाली पोलीस हवालदार बनकर करीत आहेत.