टेम्पो व मोटारसायकल अपघात १ जण ठार तर २ जखमी

शिरूर { डेली न्यूज पोस्ट टीम -24}चिंचणी ते गुणाट रस्त्यावर उभ्या असलेल्या  टेम्पोला मोटारसायकलची जोरदार धडक बसून झालेल्या अपघातात एका तरुणाचा मृत्यू झाला, तर दोघेजण गंभीर जखमी झाले . याप्रकरणी शिरूर पोलीस ठाण्यात टेम्पो चालकाविरुद्ध गुन्हा दाखल करण्यात आला आहे.

विशाल बापू मालचे (वय १९, सध्या रा. चिंचणी, ता. शिरूर, जि. पुणे) यांनी याबाबत फिर्याद दिली आहे. पोलिसांनी दिलेल्या माहितीनुसार, २ मे २०२६ रोजी सायंकाळी साडेसातच्या सुमारास  गुणाट हद्दीत चिंचणी-गुणाट रस्त्यावर हा अपघात झाला.

फिर्यादी विशाल मालचे, नरेश सुदाम उर्फ राजेश ठाकरे आणि सागर तुळशीराम गायकवाड हे तिघेजण हिरो स्प्लेंडर प्लस (एमएच १८ सीजी ७४१७) या मोटारसायकलवरून जात असताना आयशर टेम्पो (एमएच १५ एफव्ही ९५२२) रस्त्यावर उभा होता. संबंधित टेम्पो चालक जगदीश विष्णू नवले (रा. लवीत, ता. जि. नाशिक) याने वाहन हयगयीने व अविचाराने रस्त्यावर उभे केले होते. तसेच वाहनाला कोणतेही इंडिकेटर, रिफ्लेक्टर अथवा पार्किंग लाईट न लावल्याने पाठीमागून मोटारसायकलची जोरदार धडक बसली, असे फिर्यादीत नमूद करण्यात आले आहे.

या अपघातात नरेश उर्फ राजेश ठाकरे यांचा गंभीर दुखापतीमुळे मृत्यू झाला. तर विशाल मालचे आणि सागर गायकवाड हे जखमी झाले असून मोटारसायकलीचेही मोठे नुकसान झाले आहे.

याप्रकरणी शिरूर पोलीस ठाण्यात गुन्हा क्रमांक ४३१/२०२६ नुसार भारतीय न्याय संहितेच्या कलम २८१, १२५ (अ)(ब), १०६(१) तसेच मोटार वाहन कायद्यान्वये गुन्हा दाखल करण्यात आला आहे. पोलीस हवालदार टेंगळे पुढील तपास करीत आहेत.