शिरूर येथील डेक्कन स्कूलमध्ये ‘डॉ. एपीजे अब्दुल कलाम विज्ञान प्रकल्प स्पर्धेत जीवन विकास मंदिर, शिरूर चे जुनेद समीर शेख व शशांक कांतिलाल अहिरे यांचा प्रकल्पाचा प्रथम क्रमांक

शिरूर { डेली न्यूज पोस्ट टीम 24}: विज्ञान दिनाचे औचित्य साधत शिरूर येथील डेक्कन स्कूलमध्ये ‘डॉ. एपीजे अब्दुल कलाम विज्ञान प्रकल्प स्पर्धा’ उत्साहात पार पडली. स्पर्धेत एकूण १४ संघांनी सहभाग नोंदवून विविध वैज्ञानिक संकल्पनांवर आधारित प्रभावी प्रकल्प सादर केले.

विद्यार्थ्यांनी स्मार्ट सिटी, महिला सुरक्षा, रेन वॉटर हार्वेस्टिंग, कृत्रिम बुद्धिमत्ता, सौर ऊर्जा यांसारख्या आधुनिक व समाजोपयोगी विषयांवर प्रात्यक्षिकांसह प्रकल्प मांडले. विद्यार्थ्यांच्या कल्पकतेचा व संशोधन वृत्तीचा प्रत्यय या निमित्ताने उपस्थितांना आला.

स्पर्धेचे उद्घाटन डेक्कन स्कूलचे प्राचार्य डॉ. समीर ओंकार व बालाजी विश्व विद्यालयाचे प्राचार्य  विनायक म्हसवडे यांच्या हस्ते करण्यात आले. परीक्षक म्हणून बोरा महाविद्यालयाचे भूगोल विषयाचे माजी विभाग प्रमुख श्री. चंद्रकांत धापटे तसेच राजमाता अभ्यासिकेच्या संचालिका प्रा. अलका बोरुडे यांनी काम पाहिले.

विजेत्या संघांना अनुक्रमे रु. ३०००, रु. २००० व रु. १००० रोख पारितोषिक, सन्मानचिन्ह व प्रशस्तीपत्र देऊन गौरविण्यात आले. स्पर्धेतील सांघिक विजेतेपदाचा करंडक पोदार इंटरनॅशनल स्कूल, शिरूर यांनी पटकावला.

स्पर्धेचा निकाल पुढीलप्रमाणे : प्रथम क्रमांक : जीवन विकास मंदिर, शिरूर -जुनेद समीर शेख व शशांक कांतिलाल अहिरे

द्वितीय क्रमांक : बालाजी इंग्लिश मिडीयम स्कूल, शिरूर -सूरज गणेश पोकळे,साईराज भाऊसाहेब गवळी

तृतीय क्रमांक : डेक्कन इंग्लिश मिडीयम स्कूल, शिरूर -संकेत ज्ञानेश्वर माने,सृष्टी रमेश नवले

उत्तेजनार्थ : पोदार इंटरनॅशनल स्कूल, शिरूर -पार्थ साहेबराव पानगे

उत्तेजनार्थ : विद्याधाम प्रशाला, शिरूर-आरुष रवींद्र पाटील

या स्पर्धेमुळे विद्यार्थ्यांमध्ये वैज्ञानिक दृष्टीकोन, संशोधन वृत्ती आणि नवोपक्रमाची जाणीव अधिक दृढ झाली असून विज्ञानवादी विचारसरणीला चालना मिळाली आहे.