संपदा पतसंस्थेसचालू आर्थिक वर्षात सन २०२५-२०२६ या कालावधीत १.२५ कोटींचा नफा

शिरूर { डेली न्यूज पोस्ट- 24}राज्य कार्यक्षेत्र असणाऱ्या व शिरूर (पुणे) व पारनेर (अहिल्यानगर) मध्ये १५ शाखांच्या माध्यमातून शिरूर तालुक्यातील अग्रगण्य असणाऱ्या संपदा पतसंस्थेने चालू आर्थिक वर्षात सन २०२५-२०२६ या कालावधीत १.२५ कोटींचा निव्वळ नफा मिळविला असल्याची माहिती पतसंस्थेचे अध्यक्ष डॉ. प्रा. राजेराम घावटे यांनी दिली .

संस्थेकडे ३१ मार्च २०२६ अखेर सभासदांच्या ठेवी १०२ कोटी रुपये असून ७९ कोटी रुपयांचे येणे कर्ज आहे. येणे कर्जात ३५ कोटी रुपयाचे सोनेतारण व ६ कोटी रुपयांच्या ठेवतारण सारख्या अत्यंत सुरक्षित कर्जाचा ५१ टक्के समावेश आहे. सस्थेची बँक गुंतवणुक ५०.४२ कोटी इतकी असून नफ्याचे प्रमाण एकूण ठेवींच्या ४९.४३ टक्के इतके आहे. संस्थेचे सुरक्षित कर्जाचे प्रमाण व बँक गुंतवणुकीचे आकडे अतिशय भक्कम आर्थिक स्थितीचा प्रत्यय देणारे असल्याची माहिती संस्थेचे अध्यक्ष डॉ. राजेराम घावटे यांनी दिली.

संस्थेचे खेळते भांडवल १४५ कोटी रुपये असून संस्थेचा स्वनिधी १८ कोटी रुपयांचा आहे. संस्थेची वसुली ८५ टक्के इतकी झाली असून वार्षिक उलाढाल २००० कोटी रुपयांवर पोहोचली आहे. गेल्या आर्थिक वर्षात संस्थेने सोनेतारण कर्जावर विशेष भर देऊन एका वर्षात ५०८७ सभासदांना ५०.१६ कोटी रुपयांचे कर्ज वितरण करून सोनेतारण कर्जाच्या बाबत एक मोठा विश्वास संपादन केला आहे. चालू आर्थिक वर्ष हे संस्थेचे रौप्य महोत्सवी वर्ष असल्याने चालू आर्थिक वर्षात अनेक नव्या उपक्रमांसह सर्वोच्च उद्दिष्ट गाठण्याबरोबरच सभासद, ग्राहकांशी एक आपुलकीचे नाते निर्माण करण्यासाठी विशेष उपक्रमांचे आयोजन करण्याचा निश्चय कार्यकारी संचालक संपतराव वाळुंज यांनी व्यक्त केला.

संस्थेच्या प्रगतीत सहभागी सर्व सभासद, खातेदार, हितचिंतक, सेवकवृंद व संचालक यांनी दिलेल्या मोलाच्या सहकार्याबद्दल संस्थेचे उपाध्यक्ष अमित गव्हाणे यांनी सर्वांचे आभार व्यक्त केले व अशाच सहकार्याची अपेक्षा व्यक्त केली.