पिढी घडविण्याचे काम शिक्षक करतात : माजी प्रचार्य डॉ. गोविंद राजेनिंबाळकर

डॉ. निंबाळकर यांनी सांगितले की, बदलत्या काळानुसार शिक्षणपद्धतीतही परिवर्तन आवश्यक असून शिक्षकांनी स्वतःमध्ये सातत्याने बदल स्वीकारणे गरजेचे आहे. शिक्षणावर राष्ट्रीय उत्पन्नाच्या किमान ६ टक्के खर्च अपेक्षित असतानाही प्रत्यक्षात हे प्रमाण अपुरे असल्याची खंत त्यांनी व्यक्त केली.

शिक्षण हे  ज्ञान व कौशल्य विकसित करणारे असावे. विद्यार्थ्यांमधील कुतूहल जागृत करून प्रयोगशीलतेला प्रोत्साहन दिले पाहिजे. प्रत्येक विद्यार्थ्याची क्षमता वेगळी असते; ती ओळखून शिक्षण देणे ही शिक्षकांची जबाबदारी आहे,” असे ते म्हणाले. विद्यार्थ्यांना  कृतीतून शिकवावे, लिखाण व निरीक्षण कौशल्य वाढवावे, तसेच परीक्षेतील गुण हेच सर्वस्व नसल्याचे त्यांनी अधोरेखित केले.

पुढे बोलताना त्यांनी सांगितले की, शिक्षणातून विद्यार्थ्यांमध्ये आत्मविश्वास निर्माण होणे आवश्यक आहे. कुटुंबातील आजी-आजोबांच्या सहवासामुळे मुलांचा भावनिक विकास अधिक सुदृढ होतो, असेही त्यांनी नमूद केले.