शनी अमावस्या जयंतीनिमित्त श्री शनैश्वर देवस्थानात भाविकांची मोठी गर्दी

पहाटे पाच वाजता श्री शनैश्वर मंदिरातील मूर्तीला विधिवत अभिषेक करण्यात आला. त्यानंतर महाआरती पार पडून मंदिर दर्शनासाठी खुले करण्यात आले. मंदिर परिसर आकर्षक फुलांची सजावट व रोषणाईने उजळून निघाला होता.

वाढत्या उन्हाच्या पार्श्वभूमीवर भाविकांची गैरसोय होऊ नये यासाठी मंदिर समितीच्या वतीने मंडप तसेच पिण्याच्या पाण्याची व्यवस्था करण्यात आली होती. सकाळपासूनच दर्शनासाठी येणाऱ्या भाविकांना खिचडी व फराळाचे वाटप करण्यात आले. दिवसभरात हजारो भाविकांनी श्री शनैश्वरांचे दर्शन घेत धार्मिक कार्यक्रमात सहभाग नोंदविला. पंकज बिहाणी,  संदीप बिहाणी,शिरूर नगरपरिषद बांधकाम समितीचे सभापती सुनील जाधव, नगरसेवक सागर नरवडे, निलेश पवार, भूमिपुत्र प्रतिष्ठानचे सुशांत कुटे, अविनाश जाधव, आदीनी दर्शन घेतले. यावेळी अशोक काका भोसले,सचिन गरुडे सुनील जठार,राजेंद्र घोडके, शंतनू कोळपे,आर्यन गायकवाड तेजस टाक,ओम जाधव अदनान सय्यद आदी उपस्थित होते.

दरम्यान, रविवारी (दि. १७ मे) महाप्रसादाने या सोहळ्याची सांगता होणार आहे. सकाळी ११ ते दुपारी २ वाजेपर्यंत महाप्रसादाचे आयोजन करण्यात आले