शिक्षणाचा दीप उजळवत घडवत आहे उज्ज्वल भविष्य… व्हिजन इंटरनॅशनल स्कूल, शिरूर

 आधुनिक शिक्षण, संस्कार आणि खेळ यांची सुवर्ण परंपरा जपत विद्यार्थ्यांच्या सुप्त गुणांना आणि कौशल्यांना हक्काचे व्यासपीठ देणारी शिरूर परिसरातील अग्रगण्य शाळा!

आई-वडिलांचे आशीर्वाद आणि कुटुंबाच्या साथीने साकारलेले स्वप्न शिरूर सारख्या ग्रामीण भागात दर्जेदार शिक्षण देणारी शाळा शोधताना आलेल्या अनुभवातून “आपणच एक आदर्श शाळा उभी करूया” हा विचार चेअरमन मा. विकासजी सुवालाल पोखरणा यांच्या मनात दृढ झाला. त्यांच्या आईचेही स्वप्न होते की ग्रामीण भागातील विद्यार्थ्यांनाही शहरांप्रमाणे उच्च दर्जाचे, आधुनिक आणि संस्कारयुक्त शिक्षण मिळावे. त्या स्वप्नातूनच दूरदृष्टी, जिद्द आणि शिक्षणावरील निष्ठेची पायाभरणी झाली.

सन २०१५ मध्ये अत्यंत छोट्याशा जागेत सुरू झालेला हा प्रवास आज शिक्षणक्षेत्रातील एक विश्वासार्ह आणि नामांकित संस्थेपर्यंत पोहोचला आहे. या यशामागे आई-वडिलांचे आशीर्वाद, कुटुंबाची भक्कम साथ, संघर्षातून मिळालेली प्रेरणा आणि विद्यार्थ्यांच्या उज्ज्वल भविष्यासाठी असलेली तळमळ हीच खरी ताकद ठरली. अनेक अडचणी आणि संकटांवर मात करत जिद्द, दूरदृष्टी आणि आत्मविश्वासाच्या बळावर ग्रामीण भागात आधुनिक शिक्षणाची नवी ओळख निर्माण करण्यात यश मिळाले आहे.

दिवसेंदिवस पालकांचा मिळणारा उत्स्फूर्त प्रतिसाद, भरघोस प्रेम आणि विश्वास याच प्रेरणेतून शिक्षणाचा हा प्रवास अधिक व्यापक करण्याचा विचार पुढे आला आणि त्यातून नवीन शाळेच्या उभारणीची नवी दिशा निश्चित झाली.

सुसज्ज अशी भव्य इमारत आणि डिजिटल शिक्षणाची आधुनिक क्रांती

पुणे–नगर बायपास रोडवरील सुसज्ज अशी भव्य इमारत विद्यार्थ्यांना केवळ शिक्षणच नाही, तर प्रेरणा आणि सकारात्मक ऊर्जा देणारे वातावरण प्रदान करते. हवेशीर वर्गखोल्या, थीम-बेस्ड डिजिटल क्लासरूम, अत्याधुनिक कॉम्प्युटर लॅब, Interactive Panels आणि ग्रीन बोर्ड मुक्त डिजिटल कॅम्पस यामुळे शिक्षण अधिक प्रभावी, आधुनिक आणि आनंददायी बनले आहे.

विशेष म्हणजे, खडू आणि फळ्याच्या पारंपरिक पद्धतीपासून पुढे जात पूर्णपणे डिजिटल शिक्षण प्रणाली स्वीकारणारी शिरूरमधील ही पहिलीच शाळा ठरली आहे. 3D Animation, व्हिडिओ, चित्रफिती आणि प्रात्यक्षिकांच्या माध्यमातून शिकवले जाणारे विषय विद्यार्थ्यांच्या मनात सहज आणि दीर्घकाळ लक्षात राहतात. त्यामुळे शिक्षण केवळ पुस्तकांपुरते मर्यादित न राहता प्रत्यक्ष अनुभवातून समजणारी आणि आयुष्यभर लक्षात राहणारी प्रक्रिया बनत आहे.

समर्पित नेतृत्व, अनुभवी शिक्षकवर्ग आणि गुणवत्तेची मजबूत परंपरा संस्थेच्या यशस्वी वाटचालीमागे प्रिन्सिपल पसक्वीन काशी मॅम यांचे दूरदृष्टीपूर्ण नेतृत्व आणि शिक्षकवर्गाचे अथक परिश्रम महत्त्वाचे ठरले आहेत. एक शिक्षिका ते प्रिन्सिपल असा प्रेरणादायी प्रवास करत त्यांनी आपल्या समर्पण, शिस्त आणि कार्यतत्परतेच्या जोरावर संस्थेची वेगळी ओळख निर्माण केली आहे.

उच्चशिक्षित, प्रशिक्षित आणि इंग्रजी भाषेवर प्रभुत्व असलेला शिक्षकवर्ग विद्यार्थ्यांच्या उज्ज्वल भविष्यासाठी सातत्याने कार्यरत आहे. प्रत्येक विद्यार्थ्याकडे वैयक्तिक लक्ष देत त्यांच्या शैक्षणिक प्रगतीसोबत आत्मविश्वास, संस्कार, शिस्त आणि व्यक्तिमत्त्व विकासावर विशेष भर दिला जातो. विद्यार्थ्यांच्या यशामागे शिक्षकांचे सातत्यपूर्ण मार्गदर्शन, प्रेरणा आणि जिव्हाळ्याची साथ हीच संस्थेची खरी ताकद ठरत आहे.

आधुनिक शिक्षणाची नवी दिशा आजच्या डिजिटल आणि स्पर्धात्मक युगाची गरज ओळखून Coding Classes, Digital Learning आणि प्रयोगाधारित शिक्षणावर विशेष भर दिला जातो. 3D Animation, व्हिडिओ आणि प्रात्यक्षिकांच्या माध्यमातून विज्ञान, गणित आणि इंग्रजीसारखे विषय सुलभ आणि आनंददायी पद्धतीने शिकवले जातात.

अत्याधुनिक लॅबच्या माध्यमातून विद्यार्थ्यांना विविध प्रयोग प्रात्यक्षिक करून दाखवले जातात. तसेच विद्यार्थी स्वतः प्रत्यक्ष प्रयोग करून त्याचा अनुभव घेतात, त्यामुळे त्यांची संकल्पना अधिक स्पष्ट आणि मजबूत होत जाते.

समृद्ध ग्रंथालय आणि वाचनसंस्कृती विद्यार्थ्यांमध्ये वाचनाची आवड निर्माण व्हावी आणि ज्ञानाचा विस्तार व्हावा यासाठी समृद्ध ग्रंथालय उपलब्ध करून देण्यात आले आहे. विविध विषयांवरील पुस्तके, संदर्भ साहित्य आणि प्रेरणादायी पुस्तकांमुळे विद्यार्थ्यांच्या विचारशक्ती आणि ज्ञानामध्ये सकारात्मक वाढ होत आहे.

विद्यार्थ्यांची सुरक्षितता… पालकांचा निश्चिंत विश्वास!            विद्यार्थ्यांच्या सुरक्षित, सुलभ आणि वेळेवर प्रवासासाठी सुसज्ज बस सुविधा उपलब्ध करून देण्यात आली आहे. प्रत्येक बसमध्ये CCTV Camera आणि GPS System बसविण्यात आले असून त्यामुळे विद्यार्थ्यांच्या सुरक्षिततेवर सतत लक्ष ठेवले जाते.GPS सुविधेमुळे पालकांना Bus चे अचूक Location आणि आपल्या मुलांपर्यंत पोहोचण्यासाठी किती वेळ लागणार आहे याचा अंदाज सहज घेता येतो. सुरक्षितता, शिस्त आणि पालकांचा वाढता विश्वास हीच संस्थेच्या गुणवत्तेची खरी ओळख ठरत आहे.

खेळातून घडतो आत्मविश्वास, शिस्त आणि यशाचा मजबूत पाया    विद्यार्थ्यांच्या शारीरिक आणि मानसिक विकासासाठी क्रिकेट, बास्केटबॉल, बॅडमिंटन, स्केटिंग, बुद्धिबळ आणि कराटे यांसारख्या विविध खेळांचे नियमित प्रशिक्षण दिले जाते. प्रत्येक खेळासाठी अनुभवी आणि प्रशिक्षित कोच उपलब्ध करून विद्यार्थ्यांच्या कौशल्यांना योग्य दिशा दिली जाते.

कोरोना काळात विद्यार्थ्यांना खेळापासून वंचित राहावे लागले होते. मात्र, शाळेने पुन्हा जोमाने क्रीडा उपक्रम सुरू करून विद्यार्थ्यांना मैदानाशी जोडण्याचे महत्त्वपूर्ण कार्य केले. यामुळे विद्यार्थ्यांमध्ये आत्मविश्वास, शिस्त, संघभावना आणि नेतृत्वगुण विकसित होत आहेत.

कराटे स्पर्धेमध्ये विद्यार्थिनी विनया नितीन भंडारी आणि स्पृहा सुनील जाधव यांनी Nepal International Championship मध्ये Silver Medal पटकावत आंतरराष्ट्रीय स्तरावर उल्लेखनीय यश संपादन केले आहे. तसेच विद्यार्थिनी मृणाल बिरादार हिची Osmanabad District Cricket Association च्या Under-15 Girls Selection Trials साठी निवड होऊन अभिमानास्पद कामगिरी नोंदवली आहे.

तालुका आणि जिल्हा पातळीवर क्रिकेटसाठी निवड होणारी परिसरातील एकमेव शाळा म्हणून संस्थेची वेगळी ओळख निर्माण झाली असून, विद्यार्थ्यांच्या सर्वांगीण विकासासाठी खेळ क्षेत्रातही शाळा सातत्याने उल्लेखनीय कार्य करत आहे.

इंग्रजीसोबत मराठी संस्कृतीचीही अभिमानाने जपणूक           आजच्या काळात इंग्रजी भाषा जितकी महत्त्वाची आहे, तितकीच मराठी भाषा आणि संस्कृतीची जोपासना देखील आवश्यक आहे. विद्यार्थ्यांना जागतिक स्तरावरील शिक्षणासोबत मातृभाषेचे संस्कार, सांस्कृतिक मूल्ये आणि परंपरांची समृद्ध ओळख करून दिली जाते.         त्याचबरोबर Japanese Language द्वारे विद्यार्थ्यांना आंतरराष्ट्रीय संधींसाठीही तयार केले जात आहे.मंचावरील आत्मविश्वास, नेतृत्वगुण आणि रंगमंचावरील यशस्वी भरारी             विद्यार्थ्यांमधील आत्मविश्वास, वक्तृत्वकला, अभिनयकौशल्य आणि नेतृत्वगुण विकसित करण्यासाठी विविध उपक्रम राबवले जातात. Centralized PA System च्या माध्यमातून विद्यार्थी स्वतः सुविचार, बातम्या, दिनविशेष आणि प्रार्थना सादर करतात, ज्यामुळे त्यांचे Communication Skills, मंचावरील आत्मविश्वास आणि सादरीकरण कौशल्य अधिक प्रभावी होत आहेत. विद्यार्थ्यांमधील कला, अभिनय आणि सर्जनशीलता विकसित करण्यासाठीही सातत्याने प्रोत्साहन दिले जाते. नाट्यछटा स्पर्धांमध्ये विद्यार्थ्यांनी तालुका पातळी, जिल्हा पातळी तसेच मुंबईपर्यंत उल्लेखनीय यश संपादन करत आपल्या कला, अभिनय आणि आत्मविश्वासाची प्रभावी छाप उमटवली आहे.

१०वी–१२वीच्या यशाची चढती कमान                             गुणवत्तापूर्ण शिक्षणाच्या बळावर १०वी आणि १२वीच्या निकालात उल्लेखनीय यश संपादन करत यशाची चढती कमान कायम ठेवण्यात यश मिळाले आहे. अनुभवी शिक्षकांचे मार्गदर्शन, नियमित शंकांचे निरसन, Extra Classes आणि विद्यार्थ्यांची सातत्यपूर्ण मेहनत यामुळे शिक्षणक्षेत्रात वेगळी ओळख निर्माण झाली आहे.विद्यार्थ्यांचा शैक्षणिक पाया अधिक भक्कम करण्यासोबतच स्पर्धात्मक युगात आत्मविश्वासाने पुढे जाण्याची क्षमता विकसित करण्यावर विशेष भर दिला जातो.पालकांच्या विश्वासाला पात्र ठरलेली शिरूरमधील एकमेव शाळा

आधुनिक शिक्षण, संस्कार, शिस्त, गुणवत्ता आणि सर्वांगीण विकास यांचा सुंदर समन्वय साधत ही संस्था विद्यार्थ्यांच्या उज्ज्वल भविष्याची भक्कम पायाभरणी करत आहे. विद्यार्थ्यांमधील आत्मविश्वास, विचारशक्ती, नेतृत्वगुण आणि यशस्वी जीवनासाठी आवश्यक कौशल्यांची जडणघडण करत शिक्षणासोबत संस्कारांचीही जोपासना केली जात आहे. दिवसेंदिवस पालकांचा वाढता विश्वास, विद्यार्थ्यांची उल्लेखनीय प्रगती आणि गुणवत्तेची सातत्याने जपली जाणारी परंपरा यामुळे ही संस्था आज हजारो विद्यार्थ्यांच्या स्वप्नांना दिशा देणारे प्रेरणादायी शिक्षणमंदिर बनली आहे.

Standard Parents • Standard Students • Standard School.*

शिक्षणाचा दीप उजळवत घडवत आहे उज्ज्वल भविष्य…
व्हिजन इंटरनॅशनल स्कूल, शिरूर

आधुनिक शिक्षण, संस्कार आणि खेळ यांची सुवर्ण परंपरा जपत विद्यार्थ्यांच्या सुप्त गुणांना आणि कौशल्यांना हक्काचे व्यासपीठ देणारी शिरूर परिसरातील अग्रगण्य शाळा!