भक्तीमय वातावरणात शिरूरकरांचा बाप्पाला निरोप १० तासांहून अधिक काळ चाललेली विसर्जन मिरवणूक शांततेत; आकर्षक रथ, देखावे आणि ढोल-ताशांनी रंगली मिरवणूक

शिरूर { डेली न्यूज पोस्ट टीम 24}सुखकर्ता असणा-या आणि आनंद मांगल्य यांचे प्रतिक असणा-या श्रीगणेशाला शिरूरकरांनी अत्यंत भक्तीमय वातावरणात निरोप दिला.

शिरूरची मुख्य मिरवणुक दुपारी दोनला सुरु होऊन रात्री  साडेबारा एकच्या सुमारास संपली. तब्बल १० तासाहून अधिक काळ चाललेली मिरवणुक शांततेत पार पडली.

मागील बारा दिवसापासून गणेशोत्सवाचा हा आनंदमय सोहळा सुरू होता. शहरातील गणेश विसर्जन घाट लाटे आळी या परिसरात आहे. येथील घोडनदीवरील विसर्जन घाटावर सकाळ पासून भाविकांनी विसर्जनासाठी गर्दी केली होती. अनेकांनी घरगुती गणेशाचे दुपार पर्यत विसर्जन करून घेतले आणि त्यानंतर सार्वजनिक गणेश मंडळाची विसर्जन मिरवणूक पाहण्यासाठी बाहेर पडले.

शिरूर शहरातील मुख्य विसर्जन मिरवणुक दुपारी सुरु झाली. मानाचा पहिला गणपती असणारा समस्त नामदेव समाज श्रीराम मंदिर राम आळी तील श्रीगणेशाचे पूजन व आरती माजी नगराध्यक्ष राजेंद्र क्षीरसागर, विश्व स्त विवेक बगाडे, महेश बोत्रे, मंगेश क्षीरसागर यांच्या उपस्थितीत झाल्यावर विसर्जन मिरवणुकीस सुरुवात झाली.

मानाच्या शिवसेवा मंदिर येथील श्रीगणेशाची आरती विश्वस्त व शिरूर शहर विकास आघाडीचे अध्यक्ष. अडव्होकेट सुभाष पवार, विश्वस्त बाळासाहेब परदेशी, नाना खांडरे व मनसूख गुगळे यांच्या हस्ते झाल्यावर शिवसेवा मंडळ ट्रस्टची गणेश  मूर्ती विसर्जन मिरवणुकीसाठी मार्गस्थ झाली

.या मानाच्या गणेश मंडळाच्या श्रीगणेशाचे लाटेआळीतील शनि मंदिर जवळील गणेश. विसर्जन घाट येथे सायंकाळी चार पूर्वी विसर्जन झाले.

हनुमान मंदिर गणेश मित्र मंडळ व महाराणा प्रताप गणेश मित्र मंडळ यांच्या श्री.गणेशाची मूर्ती पालखी मध्ये विराजमान होती.

कापड बाजार मित्र मंडळ यांनी ही आकर्षक सजावट केली होती.सरदार पेठ गणेश मित्र मंडळ यांची गणेश मूर्ती पालखीत विराजमान होती. टाळ मृदूंग व भजनाच्या गजरात गणेश विसर्जन मिरवणुक निघाली. त्याच बरोबर पर्यावरण रक्षक जनजागृती पर फलक ही कार्यकर्त्यांच्या हातात होते.युवा संघर्ष गणेश मित्र मंडळ मंडळच्या गणेश आकर्षक अश्या श्री.पुष्परथात विराजमान होता. सूरजनगर गणेश मित्र मंडळ यांचा ही गणेश आकर्षक रथात विराजमान होता. या सर्व गणेश मंडळाच्या गणेशाचे सायंकाळी विसर्जन झाले होते. त्रिमूर्ती गणेश मित्र मंडळ रेव्हन्यू कॉलनी यांच्या श्री गणेशाची मिरवणूक पारंपारिक ढोल ताशांच्या गजरात निघाली होती.

आझाद सोशल क्लब लाटेआळी यांच्या श्रीगणेशाची मूर्ती बग्गीत विराजमान होती.डंबेनाला गणेश मित्र मंडळ यांनी टाळ मृदूंग व बाल वारकरी यांच्या समवेत विसर्जन मिरवणूक काढली.रसिकलाल धरिवाल गणेश मित्र मंडळ आडत बाजार यांची गणेशमूर्ती आकर्षक अश्या मंदिरात विराजमान होती.

श्री स्वामी गणेश मित्र मंडळ ची गणेशमूर्ती आकर्षक रथात विराजमान होती.मोठी तालीम गोपाळ गणेश मित्र मंडळ यांची गणेश मूर्ती बालाजी मंदिरात विराजमान झाली होती. जय भवानी गणेश मित्र मंडळ काची आळी याची गणेश मूर्ती मत्स्य रथात विराजमान होती.शांतीनगर गणेश मित्र मंडळ यांची भव्य अशी गणेश मूर्ती पुष्प रथात विराजमान झाली होती.रामलिंग गणेश मित्र मंडळ करंजुले वस्ती यांच्या गणेश मूर्ती मयूररथात विराजमान झाली होती.सिंहगर्जना मित्रमंडळ ढोर आळी यांनी आकर्षक देखावा विसर्जन मिरवणूक करिता सादर केला होता. श्रीमंत अष्टविनायक राजा गणेश मित्र मंडळ गोपाळवस्ती याचा गणेश तुळजाभवानी रथात विराजमान होता. सिद्धार्थ मित्र मंडळ यांचा आकर्षक सजावट रथ विसर्जन मिरवणुकीत होता , आखिल गुजर कॉलनी मित्र मंडळ  यांनी आकर्षक  शिवमंदिर साकारून त्यात श्रीगणेशाला विराजमान केले होते.

मुंजोबा जवान गणेश मित्र मंडळ भाजीबाजार यांनी शिव शंकर रथ देखावा सादर केला होता.

जय बजरंग गणेश मित्र मंडळ जोशीवाडी यांनी कालिया मर्दन हा देखावा विसर्जन मिरवणूक साठी सादर केला होता. पूर्वमुखी हनुमान गणेश मित्र मंडळ सोनार आळी यांनी शिव शंकरच्या देखावा सादर केला होता. आझाद हिंद गणेश मित्र मंडळ सुभाष चौक यांनी विसर्जन मिरवणुकी साठी आकर्षक अशी सजावट केली होती. नवसाला पावणारा अशी ख्याती असणारा हलवाई चौक गणेश मित्र मंडळच्या हलवाई गणेश विघ्नहर्त्या गणेश मंदिरात विराजमान झाला होता. हनुमान गणेश मित्र मंडळ मारुती आळी यांनी सोशल मीडियाचे परिणाम हा  सामाजिक देखावा सादर केला होता. आखिल रामआळी गणेश मित्र मंडळ यांनी श्रीकृष्ण रथ साकारला होता. कुंभार आळी गणेश मित्र मंडळ, मुंजोबा मंदिर गणेश मित्र मंडळ, छत्रपती संभाजी गणेश मित्र मंडळ हुडको कॉलनी यांनी ही आकर्षक अशी सजावट विसर्जन मिरवणूक साठी केली होती.

दरम्यान शिरूर नगर परिषदेच्या वतीने हलवाई चौक या ठिकाणी शहरातील सर्व गणेश मंडळांचे नगराध्यक्षा ऐश्वर्या अभिजीत पाचर्णे यांनी स्वागत केले.पोलीस अधीक्षक संदीप सिंह गिल यांनी ही शिरूरच्या विसर्जन मिरवणूकीस भेट दिली. विसर्जन मिरवणुकी दरम्यान पोलीस उपाधीक्षक रवींद्र भोसले व पोलीस निरीक्षक विनोद पाटील यांच्या मार्गदर्शनाखाली पोलीस बंदोबस्त ठेवण्यात आला होता

आम्ही शिरूरकर फाउंडेशनच्या वतीने बंदोबस्तावर असलेल्या पोलीस कर्मचारी यांना संध्याकाळच्या जेवणाचा डबा देण्यात आला.

विसर्जनच्या आदल्या दिवशी शिरूर शहरातील वरदविनायक सैनिक व शिवाजी सोसायटी, जयगणेश तरुण मित्र मंडळ,सतीशभाऊ घोलप मित्रमंडळ सिद्धार्थनगर, एकलव्य गणेश मित्र मंडळ पाण्याची टाकी भिल्ल वस्ती,वक्रतुंड गणेश मित्र मंडळ आदिनाथनगर कमानी जवळ मारुती आळी ,श्री साई गणेश मित्र मंडळ हुडको कॉलनी, नवयुग गणेश मित्र मंडळ पाण्याचा टाकी जवळ, सुंदर सृष्टी गणेश मित्र मंडळ,मौर्य पुरम गणेश मित्र मंडळ आदी मंडळाच्या गणेशाचे विसर्जन करण्यात आलेरामलिंग रोड वर ही विसर्जन मिरवणुकीत मोठया उत्साह जल्लोष होता. आकर्षक देखावे लक्ष वेधून घेत होते.नाशिक धूळे, जळगाव या जिल्हा तून मोठया संख्येने मिरवणुकीत वाद्यवृद विसर्जन मिरवणुकी करिता आले होते. त्याच बरोबर विसर्जन मिरवणुकीत अनेक मंडळाच्या मिरवणुकीत महिलाच्या सहभाग ही मोठया प्रमाणात वाढत आहे.

पोलिसांनी मिरवणूक एकाच ठिकाणी रेंगाळणार नाही व दोन मंडळाच्या मिरवणुकीत अंतर पडणार नाही याची विशेष दक्षता घेतल्याने अनेक मानाचे गणेश मंडळ हलवाई चौकात लवकर पोहोचली. विसर्जन मिरवणुक मार्गांवर काही वेळ वीजेचा लंपडाव झाला.

शिरूर नगरपरिषदेकडून गणेश विसर्जनासाठी चे नियोजन  करण्यात आले होते . नगराध्यक्षा  ऐश्वर्या अभिजीत पाचर्णे, शिरूर नगरपरिषदेचे उपनगराध्यक्ष मितेश प्रदीप गादिया सर्व विषय समितीचे सभापती, सर्व सदस्य, मुख्याधिकारी प्रितम पाटील यांनी मिरवणूक मार्गाची प्रत्यक्ष पाहणी करुन विसर्जन मिरवणुकीचे नियोजन केले होते.त्यानुसार रस्ते व पथदिवे दुरुस्त करणे, वाढलेल्या झाडांच्या फांद्या छाटणे तसेच घाट व रस्त्यांची स्वच्छता करण्यात आली होती.

तसेच हलवाई चौकामध्ये गणेश मंडळांच्या स्वागतासाठी स्वागत कक्ष उभारण्यात आला होता. त पोलिसांसाठी विसर्जन स्थळी बसण्याची व्यवस्था करण्यात आली होती तसेच शहरातील महत्त्वाच्या ठिकाणी सीसीटीव्ही कॅमेरे लावण्यात आले होते. विसर्जन घाटावरती जनरेटरची सोय करण्यात आली होती पर्यावरणपूरक गणेशोत्सव साजरा करण्यासाठी शनि मंदिर विसर्जन घाट, दशक्रिया विधी घाट व रयत शाळेचे मैदान या ठिकाणी कृत्रिम विसर्जन हौद व कुंभ तयार करण्यात आले होते . तसेच निर्माल्य संकलनासाठी विशेष निर्माल्य कलशांची सोय करण्यात आली होती . शिरूर नगरपरिषद व टोफू ॲप यांच्या माध्यमातून शिरूर शहरातील नागरिकांसाठी श्रीं च्या मूर्तीचे विसर्जन करणेकरिता मोफत विसर्जन वाहन उपलब्ध करून देण्यात आले होते.

विसर्जनावेळी सुव्यवस्था राहावी यासाठी नगरपरिषदेच्या वतीने अधिकारी व कर्मचाऱ्यांची नेमणूक करण्यात आली होती . यासोबतच नगरपरिषदेच्या वतीने श्री गणेश मूर्ती संकलन उपक्रम राबविण्यात आला , मूर्ती संकलनासाठी स्वयंस्फूर्तीने सहभाग नोंदविणाऱ्या भक्तांना “पर्यावरण दूत” प्रमाणपत्र प्रदान करण्यात आले.

विसर्जनासाठी कृत्रिम हौद व कुंभाचा वापर करावा किंवा मूर्ती संकलन उपक्रमामध्ये मूर्ती द्याव्यात. निर्माल्य नदीपात्रात न टाकता निर्माल्य कलशातच टाकावे. नदी पात्रातील पाण्याची पातळी वाढलेली असल्याने विसर्जन करताना विशेष खबरदारी घ्यावी.नदी स्वच्छ राखण्यासाठी, नैसर्गिक पाण्याचे स्त्रोत प्रदूषित होऊ नयेत यासाठी व पर्यावरणपूरक गणेशोत्सवाच्या संकल्पनेला हातभार लावण्यासाठी नागरिकांनी प्रशासनास सहकार्य करावे, असे आवाहन शिरूर नगरपरिषदेकडून करण्यात आले होते.