ज्येष्ठ अभिनेते नाना पाटेकर यांना शिरूरकरांची सामूहिक श्रद्धांजली

शिरूर { डेली न्यूज पोस्ट टीम 24}आपल्या दमदार अभिनयाने, वास्तववादी भूमिकांनी आणि सामाजिक जाणिवांनी मराठी व हिंदी चित्रपटसृष्टीत वेगळी ओळख निर्माण करणारे ज्येष्ठ अभिनेते नाना पाटेकर यांच्या दुःखद निधनानिमित्त शिरूरकर नागरिकांच्या वतीने सामूहिक श्रद्धांजली सभेचे आयोजन करण्यात आले आहे.

रविवार, दि. १८ ऑक्टोबर रोजी सकाळी १०.३० वाजता शिरूर बसस्थानक शेजारील शिवसेना मंदिर सभागृहात ही श्रद्धांजली सभा होणार आहे. नाना पाटेकर यांच्या स्मृतींना उजाळा देत त्यांच्या अभिनयाचा, कलाप्रवासाचा आणि योगदानाचा गौरव करण्यासाठी नागरिकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.

“कला हा माझा श्वास आहे,” या विचारातून कलेशी असलेली निष्ठा अधोरेखित करणाऱ्या नाना पाटेकर यांच्या स्मृतींना अभिवादन करण्यासाठी शिरूरकर एकत्र येणार आहेत. समस्त शिरूरकर नागरिकांच्या पुढाकारातून या सभेचे आयोजन करण्यात आले आहे.