वकिलीची परीक्षा वयाच्या ६३ व्या वर्षी उत्तीर्ण झाल्याबद्दल बाबूराव पाचंगे यांचा सन्मान

शिरूर (डेली न्यूज पोस्ट -24) शिक्षणाची जिद्द असेल व नवीन काही शिकण्याची आवड असेल तर  वयाचा अडसर  शिक्षणात येत नाही. बाबुराव पाचंगे यांनी वयाच्या 63 व्या वर्षी वकिलीची पदवी मिळवली हे कौतुकास्पद आहे असे महाराष्ट्र राज्य प्राचार्य फोरमचे माजी अध्यक्ष व शिरूर शिक्षण प्रसारक मंडळाचे सचिव नंदकुमार निकम म्हणाले.
वयाच्या 63 व्या वर्षी वकिलीची परीक्षा उत्तीर्ण झाल्याबद्दल महाराष्ट्र प्राचार्य फोरमचे माजी अध्यक्ष व शिरूर शिक्षण प्रसारक मंडळाचे सचिव नंदकुमार निकम यांच्या हस्ते बाबुराव कोंडीबा पाचंगे यांचा विशेष सन्मान करण्यात आला. यावेळी महाविद्यालयाचे उपप्राचार्य हरिदास जाधव मुक्त विद्यापीठाच्या शिरूर अभ्यास केंद्राचे केंद्र संयोजक डॉ .प्रा .अंबादास केत,  डॉ. प्रा. भोईटे प्रा. डॉ. रेणुका गायकवाड आदी यावेळी उपस्थित होते.
निकम म्हणाले की बाबुराव पाचंगे यांनी साठी नंतर आपले उच्च शिक्षणाचे स्वप्न साकारले त्याबद्दल त्यांचे अभिनंदन.
बाबुराव पाचंगे यांनी चांदमल ताराचंद बोरा  महाविद्यालयातील यशवंतराव चव्हाण महाराष्ट्र मुक्त विद्यापीठ अभ्यास केंद्रातून बी.ए. समाजशास्त्र ही पदवी घेतली व त्यानंतर अहिल्यानगर येथील सी.डी. देशमुख विधी महाविद्यालयात विधी पदवीसाठी प्रवेश घेतला .यंदाच्या वर्षी वकिलीची परीक्षा उत्तीर्ण झाले.पाचंगे म्हणाले की मुक्त विद्यापीठाच्या मुळे माझे उच्च शिक्षणाचे स्वप्न साकारून बीएची पदवी मिळाली व त्यानंतर वकील होत आले मी आगामी काळात ग्रामीण भागातील लोकांना कायदेविषयक मार्गदर्शन करणार असल्याचे त्यांनी सांगितले.