शिरुर ( डेली न्यूज पोस्ट टीम -२४)सध्या आषाढ महिन्यानिमित्त  शिवाई मंदिर, कुरुंद येथे शिवाई देवीच्या यात्रा उत्सव सुरु आहे .

या उत्सवानिमित्त हिंगणीतील  वास्तूविशारद (अर्किटेक्ट ). कु .समीक्षा संजय वाखारे   आल्या होत्या . त्यांना  मंदिर परिसरात एक तोळ्याची सोन्याची अंगठी सापडली. त्यांनी  कोणताही विलंब न करता  प्रामाणिकपणे  ती अंगठी मंदिराचे विश्वस्त राजू शेळके यांच्याकडे सुपूर्त केली.शेळके यांनी तत्काळ लाऊडस्पीकरवरून घोषणा करून भाविकांमध्ये माहिती दिली. काही वेळातच अंगठी हरवलेले भक्त भेटले व त्यांना ती अंगठी परत देण्यात आली. कु. समीक्षा वाखारे हिच्या प्रामाणिकतेचे सर्वत्र कौतुक होत आहे.

तिचा शाल व श्रीफळ देऊन मंदिर समितीच्या वतीने सत्कार करण्यात आला. यावेळी मंदिर समितीचे अध्यक्ष राजू शेळके, संचालक शैलेंद्र कांबळे, पुजारी शिवाजीराव भाकरे व खजिनदार अशोक कर्डिले उपस्थित होते.कु. समीक्षा हिच्या प्रामाणिकतेमुळे एक सामाजिक संदेश मिळाला असून, तिने इतरांसाठी आदर्श निर्माण केला आहे.हिंगणी येथील शेतकरी व व्यवसायिक संजय वाखारे यांची समीक्षा ही कन्या आहे .