विद्यार्थिनी मंच, महिला लैंगिक अत्याचार तक्रार निवारण समिती, अंतर्गत गुणवत्ता हमी कक्ष (IQAC) आणि विद्यार्थी विकास मंडळ आणि यांच्या संयुक्त विद्यमाने हा कार्यक्रम होणार आहे.
या कार्यक्रमाचे उद्घाटन शिरुर शिक्षण प्रसारक मंडळाचे सचिव नंदकुमार निकम यांच्या हस्ते होणार असून, कार्यक्रमाच्या अध्यक्षस्थानी महाविद्यालयाचे प्राचार्य डॉ. के. सी. मोहिते असतील. यावेळी उपप्राचार्य प्रा. एच. एस. जाधव हे देखील विशेष उपस्थित राहणार आहेत.
या कार्यशाळेतील दुसरे सत्र ‘महिलांचे आरोग्य’ यावर केंद्रित असणार असून, शिरूर येथील हार्दे हॉस्पिटलच्या डॉ. सोनाली हार्दे विद्यार्थिनींना आरोग्य, पोषण, मानसिक स्वास्थ्य यावर मार्गदर्शन करणार आहेत. याशिवाय महाविद्यालयातील शारीरिक शिक्षण विभागाच्या माध्यमातून सर्व विद्यार्थिनींची BMI (Body Mass Index) तपासणी केली जाणार आहे. या तपासणीनंतर विद्यार्थिनींच्या शारीरिक आरोग्याविषयी त्यांना वैयक्तिकरित्या सल्ला दिला जाणार असून, योग्य आहार व व्यायाम यावर भर दिला जाईल.
हा कार्यक्रम महाविद्यालयातील विद्यार्थिनींसाठी एक सशक्त व्यासपीठ ठरणार असून, समाजातील महिलांच्या सक्षमीकरणाच्या दिशेने उचललेले एक महत्त्वाचे पाऊल ठरेल. 
