याबाबत पोलिसांनी दिलेल्या माहितीनुसार रांजणगाव औ‌द्योगीक वसाहतीमध्ये मोठ्या प्रमाणावर परप्रांतीय कामगार कामानिमित्ताने वास्तव्यास आहेत. कारेगाव येथे कामा निमित्ताने सौ. काजल महेंद्र पडघाण मुळ रा. जुमडा, ता. जि. वाशिम या त्यांचा भाऊ प्रमोद पाटील व मुलगा कु आयुष वय 3 वर्षे याच्यासह राहण्यास आहेत. त्यांचे बिल्डींग मध्येच परप्रांतीय दांपत्य सौ. पुजादेवी उर्फ वनिता अर्जुन यादव व तिचे पती अर्जुनकुमार यादव मुळ रा. लोआलगान, चौसा, बिहार हे मागील आठ-दहा महिन्यापासुन भाड्‌याने राहण्यास आहेत.

काजल पडघाण व त्यांचा भाऊ हे  कंपनीमध्ये कामाला जात असल्याने काजल या त्यांचा मुलगा आयुष याला संभाळण्यासाठी शेजारी राहणा-या पुजादेवी यादव यांच्याकडे देवून कामावर जात होत्या.

१२ संप्टेंबर २०२५  रोजी नेहमी प्रमाणे  काजल पडघाण या त्यांच्या मुलाला पुजादेवी यादव यांच्याकडे संभाळण्यासाठी देवून कामावर गेल्या होत्या. संध्याकाळी कामावरुन त्या व त्यांचा भाऊ प्रमोद पाटील हे कामावरुन आले असता त्यांना पुजादेवी यादव व त्यांचा पती अर्जुन यादव व त्यांचा मुलगा  आयुष हे घरी मिळून आले नाही. त्यांना संपर्क करण्याचा प्रयत्न केला असता त्यांचे मोबाईल बंद लागत होते. त्यानंतर त्यांनी शेजारील लोकांच्या मदतीने  आयुष, पुजादेवी यादव व तिचे पतीचा शोध घेतला पंरतु सापडले  नाहीत . यादव  हे आयुषला घेवुन परत येतील असे वाटल्याने त्यांची दोन दिवस वाट पाहिली. परंतु ते परत न आल्यामुळे काजल महेंद्र पडघाण यांनी  पोलीस स्टेशनला  पुजादेवी अर्जुन यादव व तिचा पती अर्जुन यादव यांचे विरुध्द आयुष वय 3 वर्षे याचे अपहरण केले प्रकरणी  फिर्याद दिल्यावर   गुन्हा दाखल करण्यात आला.

गुन्हा दाखल होताच  पोलीस निरीक्षक  महादेव वाघमोडे यांनी पोलीस अधिक्षक. संदीप गिल,अप्पर पोलीस अधीक्षक रमेश चोपडे व  उपविभागीय पोलीस अधिकारी प्रशांत ढोले  यांना याबाबतची माहिती दिली.

 पोलीस निरीक्षक महादेव वाघमोडे यांनी गोपनिय माहितीच्या आधारे  व बिहार येथील स्थानिक पोलीसंच्या मदतीने माहिती घेतली असता सदर आरोपी हे बिहार येथे आले नसल्याचे सामजले. त्यानंतर तांत्रिक विश्लेषन व गोपनीय माहितीच्या आधारे गुन्हयातील आरोपी पुजादेवी यादव व तिचा पती अर्जुन यादव हे पंजाब राज्यातील लुधियाना येथे पोहचल्याचे निष्पन्न झाल्याने पोलीस स्टेशनकडील तपास पथकातील पोलीस उपनिरीक्षक अविनाश थोरात व सहाय्यक फौजदार  दत्तात्रय शिंदे यांना तात्काळ पंजाब येथे रवाना करण्यात आले. तसेच पोलीस निरीक्षक  महादेव वाघमोडे यांनी लुधियाना येथील पोलीस निरीक्षक सुरेशकुमार रामल, गुरमित सिंग यांना तपास पथकास मदत करणे बाबत विनंती केली. त्यानुसार स्थानिक पोलीसांचे मदतीने रांजणगाव पोलीस स्टेशनच्या तपास पथकाने आरोपी  1) पुजादेवी उर्फ वनिता अर्जुन यादव वय 37 वर्षे, 2) अर्जुनकुमार वकीलकुमार यादव वय 36 वर्ष, दोन्ही रा.लोआलगान, चौसा, मधेपुरा, बिहार यांना शिताफिने ताब्यात घेवुन त्यांच्या ताब्यातुन अपहरीत मुलगा कु. आयुष महेंद्र पडघाण  याची सुखरूप सुटका केली.

 आरोपीकडे तपास केला असता त्यांना आयुष या लहान बालकाचा लळा लागल्याने व त्यांना मुलबाळ होत नसल्यामुळे त्यांनी त्यास पळवून नेले असल्याचे सांगितले . अपहरीत मुलगा कु. आयुष यास त्याची आई सौ काजल महेंद्र पडघाण यांचे ताब्यात देण्यात आले असुन मुलाचे भेटीने आई काजल यांना आनंदअश्रु अनावर झाले.