पोलीस कर्मचाऱ्याच्या कारने धडक दिल्याने अपघात; सात जखमी, चार वाहनांचे नुकसान

शिरूर { डेली न्यूज पोस्ट टीम -24}
शिरूर – पुणे–नगर महामार्गावर कारेगाव येथील एशियन चौकाजवळ रविवारी (दि. १२ ऑक्टोबर) रात्री झालेल्या अपघातात सात जण जखमी झाले असून, चार वाहनांचे मोठे नुकसान झाले आहे. या प्रकरणी रांजणगाव पोलीस ठाण्यात पोलीस कर्मचाऱ्याविरोधात गुन्हा दाखल करण्यात आला आहे.
मिळालेल्या माहितीनुसार, आरोपी हेमंत इनामे (रा. रांजणगाव, ता. शिरूर, जि. पुणे) हे आपल्या ताब्यातील किया कार (MH-12 VQ 2188) घेऊन नगरकडून पुण्याकडे जात होते. रात्री सुमारे १० वाजताच्या सुमारास त्यांनी कारेगाव येथील एशियन चौकाजवळ  भरधाव वेगात वाहन चालवत पॅगो रिक्षा (MH-12 QE 3758) ला जोरदार धडक दिली. या धडकेत रिक्षाजवळ उभे असलेले सात जण जखमी झाले.
अपघातात रिक्षा, दोन दुचाक्या (डिओ – MH 12 HY 3234 व स्प्लेंडर – MH 22 AB 9165) तसेच आरोपीची किया कार असे चार वाहने नुकसानग्रस्त झाली आहेत. जखमींमध्ये पुरुषोत्तम भागवत काठुळे (वय २४), अभिषेक राजेंद्र पवार (वय २२), संधी परमेश्वर मस्के (वय १९), किशोर वसंत राठोड, कुमारी आरती किशोर राठोड, सुमित बबन मगर आणि नितीन कमलेश चौधरी (सर्व रा. कारेगाव, ता. शिरूर) यांचा समावेश आहे.
या घटनेची तक्रार अनिल भागवत काठुळे (वय २५, रिक्षाचालक, रा. कारेगाव, मूळ रा. किट्टेआडगाव, ता. माजलगाव, जि. बीड) यांनी दिली असून, त्यांच्या फिर्यादीवरून रांजणगाव पोलीस ठाण्यात गुन्हा दाखल करण्यात आला आहे.
या संदर्भात रांजणगाव पोलीस स्टेशन गु.र.नं. ३८१/२०२५ भा.दं.वि. कलम २८१, १२५(अ)(ब), ३२४(४) तसेच मोटार वाहन कायदा कलम १८४ अंतर्गत गुन्हा नोंदविण्यात आला आहे. पुढील तपास
पोलीस निरीक्षक महादेव वाघमोडे मार्गदर्शनाखाली  पोलीस उपनिरीक्षक चव्हाण करत आहे.