शिरूर दिनांक ( डेली न्यूज पोस्ट टीम -24)
शिरूर नगरपरिषदेच्या पीएमश्री शाळा क्रमांक -५ मध्ये शासनाच्या वतीने ३० लाख रुपये खर्च करून उभारण्यात आलेल्या संगणक लॅब आयडियल सेंटर चे उदघाट्न प्रसिद्ध उद्योगपती व माजी नगराध्यक्ष प्रकाश धारिवाल यांच्या हस्ते करण्यात आले.
यावेळी शिरूर नगरपरिषदेचे मुख्याधिकारी प्रीतम पाटील, प्रशासन अधिकारी किसनराव खोडदे, शिरूर शहर विकास आघाडीचे अध्यक्ष ॲड . सुभाष पवार, शिरूर नगरपरिषद शिक्षण मंडळाचे माजी सभापती संतोष शितोळे, अविनाश मल्लाव, राष्ट्रवादीचे शहराध्यक्ष् मुजफ्फर कुरेशी, माजी नगरसेवक विनोद भालेराव, आरपीआयचे अध्यक्ष नीलेश जाधव, माजी नगरसेवक नीलेश लंटाबळे, नोटरी रविंद्र खांडरे, नगरपरिषद कार्यालयीन अधीक्षक राहुल पिसाळ, दत्तात्रेय बर्गे,मुख्याध्यापक संतोष चव्हाण, मुख्याध्यापक संजय वाघ, मुख्याध्यापिका प्रतिभा आहेर,सामाजिक कार्यकर्ते बाळासाहेब जामदार, बाळासाहेब परदेशी,योगेश जामदार, हाफिज बागवान, राहुल ओस्तवाल, समाधान मुंगसे, विकास जाधव, दीपक कोल्हे, मनोज अहिरे, आदित्य बनकर आदी उपस्थित होते.

यावेळी बोलतना धारीवाल म्हणाले की शिरूर नगरपरिषदेच्या शाळा मधुन विद्यार्थ्यांना गुणवत्तापूर्ण शिक्षणा बरोबरच विविध शैक्षणिक सुविधा उपलब्ध करून देण्यात येत असून शिरूर नगरपरिषदेच्या शाळा क्र. ५ मध्ये खाजगी शाळेचा तोडीस तोड संगणक लॅब उभारण्यात आली आहे.
आपण व आपले वडील हे दोघे ही जण नगरपरिषद शाळेमधूनच शिकलो आहे.
आयुष्यात शिक्षकांचे महत्त्व अनन्यसाधारण आहे. आयुष्याला आकार देण्यात आयुष्य घडविण्यात शिक्षकांचा वाटा महत्त्वाचा आहे.
भविष्यातील जीवनाकरिता शिस्त महत्त्वाची आहे. त्यामुळे शालेय जीवनात शिस्त महत्त्वाची ठरते. आणि पालकांनी ही मुलांच्या शिस्तीसाठी आग्रह धरला पाहिजे. सध्या मुले मैदानी खेळापेक्षा मोबाईलच्या गेम मध्ये अडकले आहेत. मोबाईलचा वापर कामापुरता करावा. आनंददायी शिक्षणासाठी सर्वांनी एकत्रित प्रयत्न करावे असेही आवाहन त्यांनी केले.
मुख्याधिकारी प्रीतम पाटील म्हणाले की आगामी काळात आठवी ते दहावीचा वर्गासाठी प्रयत्न केले जात असून लवकरच माध्यमिक शाळा सुरु होईल . शिरुर नगरपरिषदेचा सहाही शाळा मॉडेल शाळा करु असे सांगून खाजगी शाळा सारख्या सुविधा नगरपालिका शाळा मधुन देत असल्याचे पाटील म्हणाले . जास्तीजास्त मुलांनी नगरपरिषदेचा शाळेत प्रवेश घेण्यासाठी सर्वांनी पुढाकार घ्यावा असे आवाहन ही त्यांनी केले .
ॲड .सुभाष पवार म्हणाले की विकासासाठी प्रकाश धरिवाल यांचा सतत आग्रह असतो. शिरूरचा विकासासाठी धारीवाल सातत्याने कार्यरत असतात. आपले काम निस्वार्थी व प्रमाणिकपणे करावे.
कार्यक्रमाचे प्रास्ताविक मुख्याध्यापक संतोष चव्हाण यांनी केले. त्यात त्यांनी सांगितले की केंद्र शासनाच्या वतीने देशभरातील १५०४४ शाळा मॉडेल शाळा म्हणून पीएमश्री योजने अंतर्गत निवडण्यात आल्या असून त्यात शिरूर नगरपरिषदेची शाळा क्र. ५ ची यात निवड झाली आहे. संगणक व स्मार्ट टी व्ही यांचा वापर अध्ययन अध्यापनात वापर वाढत आहे. उपमुख्यमंत्री अजित पवार यांनी ही ऑनलाईन शाळेची पाहणी केली आहे. या शाळेचा पट वाढत आहे.