डोळे येण्याचा (Eye Flu / Conjunctivitis) तक्रारी वाढू लागल्या असून नागरिकांनी दक्षता घ्यावी : नेत्ररोगतज्ज्ञ डॉ. स्वप्निल भालेकर 

शिरूर { डेली न्यूज पोस्ट टीम -24} शिरूर शहरात मतदानाच्या तोंडावर डोळ्यांना येणाऱ्या संसर्गाच्या (Eye Flu / Conjunctivitis) तक्रारी वाढू लागल्या असून नागरिकांनी दक्षता घेणे अत्यंत आवश्यक असल्याचा इशारा नेत्ररोगतज्ज्ञ डॉ. स्वप्निल भालेकर यांनी दिला आहे. निवडणूक प्रक्रियेदरम्यान मोठ्या प्रमाणात गर्दी होणार असल्याने संसर्गाचा धोका वाढू शकतो, म्हणून मतदारांनी काही साध्या पण महत्त्वाच्या सूचनांचे पालन करावे, असे आवाहन त्यांनी केले.

मतदारांनी मतदान केंद्रावर जाताना लहान सॅनिटायझरची बाटली सोबत ठेवावी, मतदान करून बाहेर आल्यानंतर हात सॅनिटाइज करणे अत्यावश्यक असल्याचे ते म्हणाले. मतदान यंत्र किंवा टेबल इतरांनी स्पर्श केलेले असू शकतात, म्हणून स्वच्छतेची काळजी घेणे गरजेचे आहे.

 घराबाहेरून आल्यानंतरही हात धुणे किंवा सॅनिटाइज करणे विसरू नये, असे भालेराव म्हणाले . “या आजाराचा संसर्ग वेगाने होतो आणि लक्षणे टिकून राहण्याचा कालावधी जास्त असतो. पूर्ण बरे होण्यासाठी ३ ते ४ आठवडे लागू शकतात. त्यामुळे योग्य काळजी घेणे अत्यंत आवश्यक आहे,” असे डॉ. भालेकर यांनी स्पष्ट केले.निवडणुकीच्या काळात मतदारांनी आरोग्याची काळजी घेत सुरक्षितपणे मतदानाचा हक्क बजावावा, असे त्यांनी आवाहन केले आहे.