छत्रपती शिवरायांच्या जयंतीनिमित्त गुरुवार दिनांक १९ फेब्रुवारी रोजी शिरूर नगरपालिका मंगल कार्यालय येथे अभिवादन कार्यक्रम

शिरूर { डेली न्यूज पोस्ट टीम 24} शहरात श्री. छत्रपती शिवाजी महाराज जयंती उत्सव समिती, शिरूर (जि. पुणे) यांच्या वतीने छत्रपती शिवरायांच्या प्रतिमेस अभिवादन करण्यासाठी विशेष कार्यक्रमाचे आयोजन करण्यात आले आहे. हा कार्यक्रम दि. १९ फेब्रुवारी २०२६ रोजी सकाळी १०.३० वाजता पार पडणार आहे.

कार्यक्रमाचे ठिकाण नगर पालिका मंगल कार्यालय, शिवसेवा मंडळ शेजारी, शिरूर येथे निश्चित करण्यात आले असून विविध मान्यवरांच्या उपस्थितीत शिवरायांना अभिवादन करण्यात येणार आहे.

या कार्यक्रमास उद्योगपती प्रकाश धारिवाल,नगराध्यक्षा सौ. वैशालीताई अभिजीत पाचर्ण, उपनगराध्यक्ष मितेश प्रदीप गाडिया, गटनेते नितीनदादा पाचर्ण, जिल्हा परिषद सदस्य राहुल पाचर्ण, पंचायत समिती पंचायत समिती सदस्य आबासाहेब सरोदे यांसह अनेक मान्यवर, पदाधिकारी व नागरिक उपस्थित राहणार आहेत.

तसेच विविध ग्रामपंचायतींचे सरपंच, उपसरपंच, नगरसेवक आणि सामाजिक कार्यकर्ते मोठ्या संख्येने सहभागी होणार असल्याची माहिती आयोजकांकडून देण्यात आली आहे.

छत्रपती शिवाजी महाराजांच्या जयंतीनिमित्त आयोजित या अभिवादन कार्यक्रमास नागरिकांनी मोठ्या संख्येने उपस्थित राहावे, असे आवाहन समितीच्या वतीने रवींद्र धनक यांनी केले आहे.