शिरूर : ७ वर्षाच्या नर बिबट्या जेरबंद

शिरूर { डेली न्यूज पोस्ट टीम 24}तालुक्यातील बेट भागातील टाकळी हाजी येथे शेतकऱ्याच्या शेतात लावलेल्या पिंजऱ्यात सात वर्षांचा नर बिबट जेरबंद करण्यात वनविभागाला यश आले. तालुका वनाधिकारी नीलकंठ गव्हाणे यांनी यासंदर्भात माहिती दिली.

टाकळी हाजी येथील पोपट महादू पवळे यांच्या शेतात वनविभागाने पिंजरा लावला होता. त्यात हा बिबट अडकला. बिबट नर असून त्याचे वय अंदाजे सात वर्षे असल्याचे अधिकाऱ्यांनी सांगितले. प्राथमिक तपासणीनंतर त्याला येथील माणिकडोह बिबटया निवारा केंद्र येथे हलविण्यात आले.

मागील काही महिन्यांपासून शिरूर तालुक्यात बिबट्यांचा वावर लक्षणीय वाढला होता. काही दुर्दैवी घटनांमध्ये लोकांना प्राण गमवावे लागल्याने परिसरात भीतीचे वातावरण निर्माण झाले होते. या पार्श्वभूमीवर वनविभागाने ‘अलर्ट मोड’वर येत विविध ठिकाणी पिंजरे लावून शोधमोहीम तीव्र केली होती.

, मागील काही दिवसांत तालुक्यात ३५ हून अधिक बिबटे जेरबंद केले आहेत आहेत.

दरम्यान, नागरिकांनी घाबरून न जाता सतर्क राहावे, बिबट्याचा वावर आढळल्यास तातडीने वनविभागाशी संपर्क साधावा, असे आवाहन करण्यात आले आहे.