शिरूर शिक्षण प्रसारक मंडळाचा ८१ वा वर्धापनदिन उत्साहात

शिरूर { डेली न्यूज पोस्ट टीम -24}शिरूर शिक्षण प्रसारक मंडळाच्या ८१ व्या वर्धापनदिनानिमित्त व चांदमल ताराचंद बोरा महाविद्यालयाच्या सावित्रीबाई फुले पुणे विद्यापीठच्या ग्रामीण भागातील उत्कृष्ट महाविद्यालय म्हणून झालेल्या सन्मानाबद्दल विशेष कार्यक्रमाचे आयोजन चांदमल ताराचंद बोरा महाविद्यालयात करण्यात आले होते.

    यावेळी शिरूर शिक्षण प्रसारक मंडळाचे अध्यक्ष धरमचंद फुलफगर, प्रसिद्ध उद्योगपती व महाविद्यालय नियामक मंडळाचे अध्यक्ष प्रकाश धारिवाल, सचिव नंदकुमार निकम, संस्थेचे सदस्य चंदूलाल चोरडिया,राजेंद्र दुगड, कुमारपाल बोरा, शिरीष बरमेचा, प्रकाश बाफना, मदनलाल दर्डा, राजेंद्र भटेवरा, शिरीषकुमार गादिया,  प्राचार्य डॉ. के. सी. मोहिते, उपप्राचार्य हरिदास जाधव,आदी  उपस्थित होते.

 प्रकाश धारिवाल म्हणाले की संस्थेने ८१ वर्षाच्या टप्प्या पूर्ण केला आहे . यात शिक्षक व संस्थेचे विश्वस्त, विद्यार्थी यांचे ही योगदान महत्वाचे आहे.शिरूर परिसरात औद्योगिककरण वाढत आहे. पुणे नगर रस्त्यावरील महत्वाचे शहर  शिरूर असून विदयार्थी संख्या ही वाढत आहे. शिरूर शिक्षण संस्थेचा विस्तार मोठा झाला असून ११ शाळा व एक महाविद्यालय संस्थेचे आहे. संस्थेत १९ हजाराहून अधिक विद्यार्थी शिक्षण घेत आहे.

निकम यावेळी म्हणाले की शिरूर शिक्षण प्रसार मंडळाच्या वर्धापनदिना निमित्त मागील तीन वर्षांपासून संस्थेच्या सर्व शाळेतील शिक्षक शिक्षकेत्तर कर्मचारी एकत्रित येतात.सन १९४६ साली ७५ विद्यार्थ्यांसह ही संस्था सुरु झाली.आज या संस्थेत १९ हजाराहून अधिक विद्यार्थी शिक्षण घेतात. ग्रामीण भागातील दर्जेदार शिक्षण देणारी ही संस्था आहे. काळ बदलत आहे विदयार्थ्यांचे प्रश्न व स्वप्न बदलत आहे.त्यानुसार काळानुसार,बदलत्या परिस्थिती नुसार सर्वांना बदलावे लागणार आहे. संस्थेत नवीन कोर्सेस सुरु करण्यात येणार असून  आयआयटी कोर्सेस सुरु करण्यात आले आहे. त्याच बरोबर विद्यार्थ्यांना किमान एक परकीय भाषा शिकता यावी यासाठी पुढील वर्षांपासून ऑनलाईन फ्रेंच व जर्मनी भाषा शाळामधून शिकविण्यात येणार आहे.  शिक्षकांना प्रशिक्षण ही देण्यात येणार असल्याचे निकम यांनी सांगितले.

संस्थेचे अध्यक्ष धरमचंद फुलफगर म्हणाले की ग्रामीण भागातील विद्यार्थ्यांना दर्जेदार गुणवत्तापूर्ण शिक्षण मिळावे या उद्देशाने संस्था काम करीत आहे.

प्रकाश बाफना यांनी सूचना केले की संस्थेच्या वतीने कौशल्य विकसित करण्यासंदर्भातील कोर्सेस सुरु करण्यात यावे.कार्यक्रमाच्या सुरुवातीस शिरूर शिक्षण प्रसारक मंडळाचे पदाधिकारी चंद्रकांत बाफना यांच्या सह दिवगंत झालेले शिक्षक व कर्मचारी यांना श्रद्धांजली वाहण्यात आली. प्रास्ताविक प्राचार्य डॉ. के. सी. मोहिते यांनी केले.

सूत्रसंचालन प्रा. डॉ. क्रांती पैठणकर, डॉ. मंजुषा पाटील,अपर्णा वाळसे,दीपक गुजर व लगड मॅडम यांनी केले.शिरूर शिक्षण प्रसारक मंडळाच्या विविध शाळांतील विद्यार्थ्यांनी सांस्कृतिक कार्यक्रम यावेळी सादर केले.त्याच बरोबर वर्षभरात विविध शाळांनी मिळविलेल्या यशाबद्दल सन्मान करण्यात आला.