भारतरत्न डॉ. बाबासाहेब आंबेडकर जयंती अभिवादन

शिरुर { डेली न्यूज पोस्ट टीम 24}भारतरत्न डॉ .बाबासाहेब आंबेडकर जयंती निमित्त डॉ. आंबेडकर यांच्या पुतळ्यास पुष्पहार अर्पण करून शहरातील विविध सामाजिक संस्था, संघटना ,राजकिय पक्ष यांच्या कार्यकर्त्यानी अभिवादन केले.

शहरातील एस टी स्टॅड समोरील आंबेडकर उद्यानात भारतरत्न डॉ. बाबासाहेब आंबेडकर यांच्या पुतळ्यास आभिवादन करण्यासाठी सकाळ पासूनच कार्यकर्त्यानी गर्दी केली होती .हा परिसरा विद्युत रोषणाईने उजळून गेला होता. महात्मा जोतीराव फुले व विश्वरत्न डॉ. बाबासाहेब आंबेडकर जयंती उत्सव समितीच्या वतीने जयंतीनिमित्त व्याख्यानमालेचे आयोजन करण्यात आले होते. त्यात अकोला येथील प्रा.श्रीकांत बरिंगे यांच ‘ शिवराय ते भीमराय ‘ या विषयावर व्याख्यान झाले. त्याच बरोबर सिद्धार्थ मोरे यांचे ‘मी जोतीराव फुले बोलतोय ‘ हे नाटक झाले. कवी सुमंत गुणवंत कवियत्री रमणी आकाश व इतर सहकारी पुणे यांचे कवी संमेलनही पार पडले.
भारतरत्न डॉ.बाबासाहेब आंबेडकर यांच्या जयंती निमित्त आज सकाळी एस टी स्टॅड समोरील डॉ. आंबेडकर उद्याना मधील डॉ. बाबासाहेब आंबेडकर यांच्या पुतळ्यास पुष्पहार घालुन अभिवादन करण्यात आले . यावेळी धम्मवंदना ,अभिवादन सभा झाली .यावेळी झालेल्या कार्यक्रम प्रसंगी माजी आमदार अशोक पवार, नगराध्यक्षा ऐश्वर्या अभिजीत पाचर्णे, तहसिलदार बाळासाहेब म्हस्के, यांच्यासह उत्सव समितीचे अध्यक्ष रामभाऊ झेंडे, प्रमोद गायकवाड,मुख्याध्यापक सुनील थोरात, सचिन जाधव, विनोद शिंदे, रश्मी अहिरे,शरद उघडे, मायाताई दामोदर, माजी नगरसेवक विनोद भालेराव ,रमेश गायकवाड ,ॲड .माया गायकवाड , शरद गायकवाड , बबन गायकवाड , मुख्याध्यापक संजय वाघ, प्रा. रतनकुमार ससाणे, माजी नगराध्यक्ष रवींद्र ढोबळे, यांच्या सह आजी माजी नगरसेवक आदी यावेळी उपस्थित होते . याच कार्यक्रमात मुख्याध्यापक सुनील थोरात यांच्या, ‘ नातं मनामनाचे ‘ या काव्यसंग्रहाचे प्रकाशन माजी आमदार अशोक पवार व नगराध्यक्ष ऐश्वर्या पाचर्णे यांच्या हस्ते करण्यात आले. यावेळी सूत्रसंचालन माजी नगरसेविका माया गायकवाड हिमांशू गायकवाड यांनी केले तर आभार मुख्याध्यापक सुनील थोरात यांनी मानले. मोफत हृदयविकार तपासणी शिबिराचे आयोजन करण्यात आले होते.
प्रसिद्ध गायक संकल्प गोळे यांच्या भीमगीत गायनाचा कार्यक्रम रयत शाळा मैदान येथे आयोजित केला आहे
त्याचबरोबर भव्य अशा मिरवणुकीचे हे आयोजन करण्यात आले आहे.
राष्ट्रीय स्वयंसेवक संघ शिरूर यांच्या वतीने ही भारतरत्न डॉ. बाबासाहेब आंबेडकर यांच्या जयंतीनिमित्त श्रीराम प्रभात शाखेने डॉ. बाबासाहेब आंबेडकर चळवळीचे अभ्यासक व विचारवंत क्षितिज गायकवाड यांचे
व्याख्यान आयोजित केले होते. व्याख्यानाच्या कार्यक्रमानंतर एसटी स्टँड समोरील आंबेडकर उद्यान येथे डॉ बाबासाहेब आंबेडकर पुतळ्यास अभिवादन करण्यात आले.
यावेळी क्षितिज गायकवाड यांच्या सह  द. के. धोंगडे, नानासाहेब पोटे, भाऊसाहेब बेंद्रे, नगरसेवक उमेश शेळके, विजय नरके, प्रमोद पवार, प्राचार्य डॉ. समीर ओंकार, प्रवीण मुथा, अनघा पाठकजी, सुरेश पडोळे, हरीश शर्मा आदी उपस्थित होते.