पहिल्याच प्रयत्नात सीए परीक्षा उत्तीर्ण; विधी बोथरा यांचे यश

शिरूर { डेली न्यूज पोस्ट टीम 24}: जिद्द, सातत्यपूर्ण अभ्यास आणि कठोर परिश्रम यांच्या बळावर शिरूरच्या विधी विनोद बोथरा यांनी सनदी लेखापाल (सीए) अंतिम परीक्षा पहिल्याच प्रयत्नात उत्तीर्ण होत उल्लेखनीय यश संपादन केले आहे. त्यांच्या या यशामुळे शिरूर शहरासह व्यापारी, शैक्षणिक आणि सामाजिक क्षेत्रातून त्यांचे अभिनंदन होत आहे.

विधी बोथरा यांनी अकरावी-बारावी तसेच बी.कॉम.चे शिक्षण पुण्यातील प्रतिष्ठित बृहनमहाराष्ट्र कॉलेज ऑफ कॉमर्स (बीएमसीसी ) येथे पूर्ण केले. त्यानंतर त्यांनी पुण्यातील थोरात अँड ओस्तवाल असोसिएट्स येथे सीए आर्टिकलशिप पूर्ण करून सनदी लेखापाल होण्याच्या दिशेने वाटचाल सुरू ठेवली.

कठीण समजल्या जाणाऱ्या सीए अंतिम परीक्षेत पहिल्याच प्रयत्नात यश मिळवून त्यांनी आपल्या गुणवत्तेची छाप पाडली आहे. अभ्यासातील सातत्य, योग्य नियोजन आणि आत्मविश्वासाच्या जोरावर हे यश मिळाल्याची भावना त्यांनी व्यक्त केली.

विधी या शिरूरमधील प्रतिष्ठित बोथरा परिवारातील असून त्या दिवंगत व्यापारी स्व. सुभाषलालजी बोथरा व कंचनबाई बोथरा यांची नात आहेत. तसेच ऑल इंडिया श्वेतांबर जैन कॉन्फरन्सचे सदस्य कांतिलालजी बोथरा यांची नात, व्यापारी दिनेश बोथरा व सामाजिक कार्यकर्ते राहुल बोथरा यांची पुतणी, तर विनोद व दीप्ती बोथरा यांची कन्या आहेत.

सीएसारख्या अत्यंत आव्हानात्मक परीक्षेत पहिल्याच प्रयत्नात मिळवलेले हे यश ग्रामीण व निमशहरी भागातील विद्यार्थ्यांसाठी प्रेरणादायी ठरत आहे. योग्य ध्येय, मेहनत आणि चिकाटीच्या जोरावर कोणतेही लक्ष्य गाठता येते, हे विधी बोथरा यांनी आपल्या यशातून दाखवून दिले आहे.

विद्यार्थ्यांसाठी प्रेरणादायी ठरले यश

स्पर्धात्मक युगात व्यावसायिक शिक्षण क्षेत्रात करिअर घडवू इच्छिणाऱ्या विद्यार्थ्यांसाठी विधी बोथरा यांचे यश प्रेरणादायी मानले जात आहे. शिरूरच्या कन्येने राष्ट्रीय स्तरावरील प्रतिष्ठेची सीए पदवी प्राप्त केल्याने शहराच्या शैक्षणिक क्षेत्रातही अभिमानाचे वातावरण निर्माण झाले आहे.