शिरूर { डेली न्यूज पोस्ट टीम 24}:शिरूर नगरपरिषद सार्वत्रिक निवडणुकीत आज उमेदवारी अर्ज भरण्याचा पाचव्या दिवशी ३ जणांनी उमेदवारी अर्ज दाखल केले असल्याची माहिती निवडणुक निर्णय अधिकारी अभिजित जगताप व मुख्याधिकारी प्रीतम पाटील यांनी दिली.

आता पर्यत एकूण ९ उमेदवारी अर्ज दाखल झाले असून नगराध्यक्षपदासाठी एक ही उमेदवारी अर्ज दाखल झालेला नाही.
आज महाराष्ट्र नवनिर्माण सेनेचे माजी शहाराध्यक्ष संदीप कडेकर यांनी वार्ड क्रमांक २ मधुन उमदेवारी अर्ज दाखल केला. मागील शिरूर नगरपरिषद निवडणुकीत नगराध्यक्षपदाची निवडणुक लढविलेल्या सविता अनिल बांडे यांनी वार्ड क्रमांक १२ मधून उमेदवारी अर्ज दाखल केला. तर वार्ड क्रमांक २ मधून सामाजिक कार्यकर्ते प्रितेश फुलडाळे यांनी ही उमेदवारी अर्ज दाखल केला.
यापूर्वी वार्ड क्रमांक ८ ब मधून प्रदीप रमाकांत बोरा यांनी अपक्ष म्हणून दोन उमेदवारी अर्ज दाखल केले असून मातोश्री प्रतिष्ठानचे अध्यक्ष व शिरूर नगरपरिषद शिक्षण मंडळाचे माजी उपसभापती पत्रकार अभिजित आंबेकर यांनी वार्ड क्रमांक १२ मधून व वार्ड क्रमांक ११ मधून नंदा जाधव आणि वार्ड क्रमांक ४ ब मधून किराणा व्यापारी व सामाजिक कार्यकर्ते महेंद्र बोरा यांनी उमेदवारी अर्ज दाखल केला आहे. तर वार्ड क्रमांक ६ मधून गणेश शिवराम पाचर्णे यांनी उमेदवारी अर्ज दाखल केला आहे.
उमेदवारी अर्ज भरण्याची अंतिम तारीख सोमवार दिनांक १७ नोव्हे २०२५ अशी आहे